‘Jag nié bewaring’, sê organisasie

(Foto: pixabay)

Die Wêreldbewaringsunie (IUCN) het ʼn verslag vrygestel waarin hy bevind het dat jag, veral trofeejag, geen bydrae lewer tot bewaring nie, het die Veldtog teen Geblikte Jag (CACH) Saterdag gesê.

Die organisasie het gesê die jagbedryf was tot dusver baie suksesvol om sy standpunte aan die bewaringsgemeenskap af te smeer. Deur organisasies soos die Wêreldnatuurlewefonds (WWF) te gebruik, het die jaggemeenskap die meeste internasionale bewaringsinstansies oortuig dat jag ʼn deel van bewaring is.

Die CACH het in ʼn verklaring gesê die jaggemeenskap het die IUCN “geïnfiltreer” en verseker dat dié toonaangewende wetenskapsliggaam geen besluite neem wat ʼn negatiewe uitwerking op die jaggemeenskap het nie.

“Nou, vir die eerste keer, is in ʼn versigtige en omvattende verslag deur die IUCN se etiekkomitee – wat bestaan uit vooraanstaande internasionale wetenskaplikes – bevind dat jag, en in die besonder trofeejag, geen plek in bewaring het nie. Jagagentskappe wat tans die IUCN se uitgangspunte beheer, moet dus eintlik uit die IUCN geskop word.”

Die organisasie het gesê die beredenering van die kwessie was onberispelik. Die verslag het bevind die primêre doelwit van bewaring is om die integriteit en verskeidenheid van die natuur te bewaar. Om dít te doen, moet enige gebruik van natuurlike hulpbronne en wildlewe volhoubaar wees. Die eerste doelwit moet bewaring wees, waarna volhoubare gebruik volg, het hy gesê.

Wetenskaplikes het die uitwerking van trofeejag op die omgewing ondersoek en tot die slotsom gekom dat dit nie volhoubaar is nie. Selfs al sou dit wees, versuim dit om die diversiteit van die natuur te bewaar.

“Jag is dus ʼn manier van wildleweboerdery en het hoegenaamd niks met bewaring te doen nie,” het die CACH in sy verklaring gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

55 Kommentare

jongste oudste gewildste
Jan Alleman

Die ink van die wetgewer se pen is dodeliker vir wilde diere as al die gewere op aarde. Wat gebeur met ‘n wildplaas as die nie meer kommersiële waarde het vir die bestaan van wilde diere nie? Dit word ‘n doodgewone plaas. Met geen wild op nie.

TomP

Nog n klomp “groen” mannietjies wat teen alles is. Soos hulle aangaan, is alles uit die bose. Hoop net hulle eet of maak gebruik van geen dierlike produkte nie. Ek sal lustig aan my koedoe, eland of beesbiltong smul en hulle gras voer..veral as daar totale anargie uitbreek en geen kos op die rakke is nie.

Francois le Cochon

Netso, ek stem saam. Wildboedery en jag is niks meer as om met wild te boer en daaruit ‘n wins te maak. Op die oog af seker niks verkeerd om met wild te boer nie, maar dit is meer ingewikkelder as dit. Toe Jan v Riebeeck aan die Kaap voet aan wal gesit het, was die hele wes-kaap vol olifante, renosters, leeus, buffels en bokke. Waar is hulle nou. Wie het hulle uitgeskiet, die Koi, slawe of inheemse volke? Nee, dit was die boere. Daarom is dit die huidige boere se plig om al hierdie wild weer te hervestig, dan… Lees meer »

Jagter

Ag asseblief gaan kyk net na Kenya, waar jag verban was, kyk hoe daal hulle wild populasies. As iets nie n geld/inkomste waarde het nie gaan iemand nie geld daar binne bestee, wild getalle sal afneem, veral wild met groot hoorings of tande

Abe

Natuurlik kan jag geen bydrae lewer tot sinvolle bewaring van natuurlewe nie. Ek hoop hierdie wetenskaplike bevinding sal nou eens en vir altyd n permanente einde bring aan sinnelose argumente wat gevoellose indiwidue ophaal om die uitroei van diere vir geldelike gewin te regverdig.