Jo Black ondergaan operasie

Jo Black (Foto: Facebook)

Die sanger Jo Black het Sondag ʼn dringende nekoperasie ondergaan.

Flagship Productions, die agentskap waarby Jo betrokke is, het in ʼn verklaring bevestig die operasie was suksesvol. “Jo sal oor die volgende paar weke aansterk en ons bedank almal dat hulle sy privaatheid sal respekteer.”

Debbie, Jo se vrou, het vroeër almal bedank wat die gesin ondersteun. “Vandag wil ek vir elke persoon dankie sê vir elke gebed en elke boodskap, ons harte is vol! Hoe bevoorreg is ons gesin nie, dat soveel duisende mense ons ondersteun. Die liefde wat ons ervaar is oorweldigend. Woorde is eintlik te min om te beskryf wat dit vir ons beteken. Uit my hart uit dankie.”

Jo Black moes alle vertonings vir die res van September kanselleer nadat dokters aangedui het die operasie moet dringend uitgevoer word. Die sanger moes ʼn nekoperasie ondergaan nadat twee van sy nekwerwels gedisintegreer het. Sy stembande was egter ook in gedrang.

Spesialiste het Vrydag bevestig dat Jo dringend die operasie moet ondergaan, aangesien selfs ʼn klein stampie tot permanente verlamming kon lei.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

20 Kommentare

jongste oudste gewildste
Marietjie

Ons bid vir volkome herstel vir Jo. Mag ons liewe Heer met hom wees elke tree van hierdie pad.

leser

jb, sterkte en spoedige herstel word jou toegebid
luister na die dokters se bevele

Avra

Word gou gesond en bent die blaaskans. Groete

Sann

Sterkte Jo! Onthou, jy is Dawid.

Deidre Le Roux

Debbie wees verseker van vaie gebede wat vir julle opgaan en julle hierdeur sal dra. Ons dien ‘n grotte en almagtige Here. Sterkte vir julle almal. Xx