Jong man dood op bed aangetref

Argieffoto: Netcare 911

Argieffoto: Netcare 911

Die polisie doen ʼn geregtelike doodsondersoek nadat die liggaam van ʼn 28-jarige man Dinsdag aan die KwaZulu-Natalse Suidkus op sy bed aangetref is.

Chris Botha, woordvoerder van Netcare 911, het aan Maroela Media gesê paramedici is omstreeks 11:00 na ʼn huis in Bereaweg in Port Shepstone ontbied.

“By paramedici se aankoms op die toneel is die man op sy bed aangetref met sy gesig na onder. Hy is deursoek en daar is twee gaatjies op sy hand gevind wat ooreenstem met ʼn slangbytwond.”

Hulle kon niks vir die man doen nie en hy is op die toneel dood verklaar.

Botha het gesê te oordeel na die grootte van die wond en hoe vinnig die man dood is, was die slang vermoedelik ʼn groot swartmamba.

Die presiese omstandighede rondom die man se dood word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

8 Kommentare

jongste oudste gewildste
Ansie

Dan is daar mos n slang iewérs?

gerda

Ai Jinne man – dit is verskriklik. Hoop die man was aan die slaap en het nie pyn verduur nie.

lw

Ek gril vir die nare gedoente. Arme man, dis erg! Innige simpatie aan die naasbestaandes.

Cherokee

Dit is KwaZuluNatal se slange. Maar slange is nie gevaarlik nie behalwe wanneer vasgekeer.

SARIE VAN HEERDEN

Ons almal ken die storie dat slange en spinnekoppe net byt as hul bedreig voel. Ek vat nie sulke kanse nie. Slang of spinnekop, vat ‘n ding en slaan hom dood. Verwyder JOU bedreiging.