Jong man vermis

Barry Leonard. Foto: Facebook

Barry Leonard. Foto: Facebook

ʼn Jong man van Hermanus word sedert Saterdagoggend vermis sedert hy ʼn kuierplek verlaat het.

Barry Leonard (20) is die laaste keer gesien toe hy omstreeks 02:00 Saterdagoggend die Mock Turtle-kuierplek verlaat het. Hy het glo in die rigting van Ou Hawe gestap. Hy het ʼn grys hemp en donkerkleurige broek aangehad. Familie en vriende het met ʼn soektog na hom begin.

Die Nasionale Seereddingsinstituut (NSR) het intussen gesê ʼn soektog aan die kuslyn, in die see en in die omgewing van die Ou Hawe het nog geen spoor van Leonard opgelewer nie. Die NSRI se soektog is Sondagoggend hervat.

Leonard het volgens berigte nie sy foon by hom gehad nie. Enigiemand met inligting oor die voorval word versoek om die Hermanus-polisie by 028 313 5300 te kontak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Buitestander

Waar is die paraatheid van ons mense? Om, om 02:00 so ‘n kuerplek alleen te verlaat is om moeilikheid te soek! Dit ney so om op brandende koole te loop en glo dat die Here jou sal help dat jy nie jou voete sal verbrand nie!!!

Namcy

Mens moenie oordeel as mens nie die volle storie weet nie. Sover volgens my kind wat hom ken, het hy en sy meisie saam uit die kuierplek gestap na die ou hawe se rigting, wat net skuins oorkant die pad is. Hul was in argument betrokke. Wat verder gebeur het is nog nie bekend nie. Sterkte aan al sy vriende en familie. Ons bid dat hy veilig gevind sal word

Grietjie

Aan Buitestaander….Snert man, dis Hermanus! En terrloops ek hét op brandende kole geloop sonder dat my voete gebrand het…bid eerder dat die kind gevind word, as wat jy hier staan en oordeel.

MH

Buitestaander, Dit is kuierplek en kole. Kry gerus vir jou ‘n goeie woordeboek.

E

Barry is n wonderlike, goeie ou! Dis nie nou die tyd vir oordeel. Bid eerder dat hy gevind sal word.