Kaapstad na hoogste hof oor plakkers

Die grondbesetters word verwyder. Foto: AfriSake

Die Stad Kaapstad gaan die Konstitusionele Hof nader om ʼn stokkie voor onwettige grondbesetting op munisipale grond van die Kaapstad-metro te steek.

Maroela Media het vroeër berig duisende voorvalle van onwettige plakkery is sedert verlede jaar aangemeld en kos die stad miljarde rand.

Tydens dié besettings word tydelike strukture en tentkampe reg oor die metropool opgerig, van parke tot sypaadjies, onder brûe en tussen snelwegversperrings.

Die Kaapstadse hooggeregshof het verlede jaar die stad verbied om teen onwettige besetters op te tree. Dit is teen hierdie besluit wat die stad verlof versoek het om te appelleer.

Volgens die burgemeester, Dan Plato, gaan die stad die hoogste hof in die land nader om uitsettingsbevele te kry ingevolge die Wet op Voorkoming van Onwettige Uitsetting en Onwettige Besetting van Grond (PIE).

“Die voortgesette grondbesettings het ’n negatiewe impak op die stad se vermoë om aan sy grondwetlike mandaat te voldoen,” sê Plato.

“Die meeste van die grond wat onwettig beset word, is nie geskik vir die vestiging van nedersettings of die installering van grootmaatdienste nie. Die stad maak reeds van belastinggeld gebruik om tot die bedryf- en instandhoudingskoste van informele nedersettings by te dra.”

Volgens Plato was daar in 2017 altesaam 14 289 grondbesettings in die stad. In 2018 het dié getal drasties tot 87 500 besettings toegeneem.

“Teen 2018 was sowat 2,3 miljoen ha munisipale grond deur onwettige plakkers beset. Teen 2020 het hierdie syfer tot 2,4 miljoen ha grond toegeneem. Dit sluit in grond wat deur die stad en private entiteite besit word.”

Volgens Plato is dit dus nie net die stad wat deur hierdie onwettige besettings geraak word nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

17 Kommentare

jongste oudste gewildste
Diline

Ja Rooikappie nooi mos sy “brothers” van regoor die wereld om verniet hier te kom plak en social grants te trek en tot 10 kinders elk te kry. Ek kan my kop op ‘n blok sit dat 99% van hierdie plakkers immigrante is.

Shakespeare

If you do not treat them as their superiour they will devour you…. Albert Schweitzer

JM

Daar sal ernstig besin moet word oor die ongebreidelde bevolkingsaanwas in Suid-Afrika.

Keith

The ANC , EFF and BLF are re-colonising the Cape.

Kokerboom

SA regstelsel is pateties! Besef hul nie wat implikasies is van onwettige grondbesetting?!!!
Stuur die flippen Ooskapenaars terug. Hul het nou daai provinsie opgevoeter !