Kan SA toestroming uit Zim hanteer?

Beitbrug-grenspos Foto: newzimbabwe.com

Die Suid-Afrikaanse regering beweer hy het ʼn gebeurlikheidsplan om ʼn toestroming van mense uit Zimbabwe die hoof te bied, maar erken in dieselfde asem hy het nie die vermoë om so iets te hanteer nie.

Siyabonga Cwele, minister van binnelandse sake, sê sy departement het ʼn gebeurlikheidsplan ingeval ʼn menigte mense oor die grens by Beitbrug probeer kom weens die gewelddadige betogings noord van die Limpoporivier. Dit behels onder meer om meer immigrasiebeamptes na die grenspos te stuur.

Die Suid-Afrikaanse owerheid hou die situasie by die Beitbrug-grenspos fyn dop terwyl betogings oor ʼn 150%-toename in brandstofpryse in Zimbabwe tot betogings gelei het wat gou in onluste ontaard het. Die nuwe prys van amper R45 per liter is die hoogste ter wêreld, terwyl Zimbabwe nagenoeg die 156ste armste land ter wêreld is.

Die owerheid in Zimbabwe het reeds twee maal internetverbinding in die land laat afskakel om te keer dat burgers deur middel van die sosiale media betogings reël.

Die onluste maak die kans groter dat Zimbabwiërs toevlug in Suid-Afrika sal kom soek, sê die regering, al hoop Cwele die onrus in die buurstaat sal binnekort bedaar. Na raming woon sowat 3 miljoen Zimbabwiërs reeds in Suid-Afrika – wettig sowel as onwettig – maar 17,1 miljoen het in hul vaderland agtergebly.

“Het ons die vermoë om [ʼn toestroming van derduisende mense] te hanteer?” het Cwele in ʼn onderhoud met die SAUK gesê-vra. “Ek dink nie ons het die vermoë om die onverwagte groot getalle te hanteer nie.

“Tydens die Kerstyd is dit beter, want dit word beplan, ons weet mense sal huis toe reis, maar as daar gebeure is wat mense laat beweeg [kan ons nie beplan nie]. Daarom hoop ons hulle sal hul probleme uitstryk.”

Cwele sê amptenare het nie die afgelope twee weke ʼn toename in reisigers ervaar nie; dit sê vir ons die situasie in Zimbabwe het ons nog nie regtig geraak nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

46 Kommentare

jongste oudste gewildste
Paul

Hehehehe ….. “Die Suid-Afrikaanse regering beweer hy het ʼn
gebeurlikheidsplan om ʼn toestroming van mense uit Zimbabwe die hoof te bied, maar erken in dieselfde asem hy het nie die vermoë om so iets te hanteer nie.”

Nodeloos om enigiets verder te sê.

Cyril ….. help!

Frieda

My bure kom van Zim. Sy t haar broer gaan haal sy se mense stroom oor hiernatoe is baie besig by grensposte.

My 2c

En daar suig die SA sponsie weer al die water op. Dis so gerieflik om net oor te loop. Geen paspoort. Geen werk. SA sal sorg. Dis mos lekker.

Felix

Ek dink hulle is almal reguit op pad na Gauteng toe.

Chris

Ek haal aan; “Die Suid-Afrikaanse owerheid hou die situasie by die Beitbrug-grenspos fyn dop”.