Karlien en Derick gaan skei

Karlien en Derick.

Karlien en Derick.

Karlien van Jaarsveld het aangekondig dat sy en haar man, Derick Hougaard, gaan skei.

“Vir ʼn tyd lank het ek nie geweet hoe om hierdie met almal te deel nie. Ek het nou al baie gedink oor hoe, waar en wanneer. Maar die een of ander tyd sal dit uitkom. So ek deel dit eerder self met julle. Ek en my man, Derick, skei. Dis ʼn moeilike tyd vir ons almal en ons hoop dat elkeen wat dit lees ons privaatheid in die tyd sal respekteer. Dankie vir julle liefde en ondersteuning in alles,” het Van Jaarsveld in ʼn verklaring gesê.

Hougaard en Van Jaarsveld is op 8 Maart 2013 getroud. Hulle het ʼn tweeling-seuntjies wat op 19 Desember 2013 gebore is. Die egpaar het in Januarie vanjaar aangekondig dat Van Jaarsveld, wat toe 21 weke swanger was, ʼn miskraam gehad het. Sy het ʼn dogtertjie verwag.

Klik hier vir alle vorige berigte oor Karlien van Jaarsveld op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

150 Kommentare

jongste oudste gewildste
Alet Carstens

Moenie, moenie, moenie. Probeer alles in julle vermoë om by mekaar te bly. Julle het nie ‘n idee wat julle aan die twee seuntjies doen nie!

Kitty

Ag Karlien moes maar nooit met hom getrou het nie. Hierdie ge -aan -af verhoudings werk gewoonlik nie uit nie. Die hartseer! Vandag se jongmense byt nie vas soos ons ouer gardes nie.

wanda

Die Vader weet, dat jong getroudes so maklik skei, wat de he’ll het van die 7 sakke sout geword, weereens 2 onskuldige kinderstjies, later n stiefpa…..en as jy eendag oud is dan wens jy as ek maar net probeer het. Dit word net te maklik gemaak om te skei, maak verdomde trou moeiliker!

Bielie

Nog ‘n celebrity troue wat net saamgegooi is om loopbane te bevorder. Same old, same old. Joost en Amor, Biff en Megan. Sportman ek sangeres, lethal kombinasie.

johan

vertel vir iemand wat omgee