Kerk op Coligny in puin gelê

Die Nederduitsch Hervormde Kerk op Coligny in ligte laaie. (Foto: Facebook)

Die Nederduitsch Hervormde Kerk op Coligny in Noordwes is Dinsdagaand in ’n brand verwoes.

’n Brand het omstreeks 22:00 in die kerkgebou uitgebreek waarna twee jong seuns rook uit die gebou sien trek het. Die seuns het alarm gemaak en die gemeenskap het ingespring om die vlamme geblus te kry. Die brand het egter baie vinnig versprei en die kerkgebou is reg voor hul oë in puin gelê.

“Hy het tot op die grond gebrand,” vertel ’n leraar aan die kerk wat verkies het dat sy naam nie bekend gemaak word nie.

Die kerkgebou dateer van 1954.

Die leraar beskryf die brand as ’n geweldige groot slag vir die relatiewe klein gemeente van 66 lidmate. “Ons het Sondag ons Kerssangdiens in die gebou aangebied, min wetend dat dit ons laaste Kerssangdiens in die struktuur sou wees.

“Ons is dankbaar dat ons wel versekering het.”

Die oorsaak van die brand is nie in dié stadium bekend nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

6 Kommentare

jongste oudste gewildste
Rudolf

Vergelding vir die (heeltemal korrekte) vryspraak van die Coligny twee ?

Piet

66 Lidmate. Kan maar die diens by iemand se huis hou.

Yvonne

hoef nie ver te soek na wie skuldig is nie..tragies

Blomme

Tragies dat ons geboue van daardie era so vinnig vernietig word.

Derek

Matheus 7, Matheus 16 & 2 Petrus 3!