Kyk: Poskantoor vies oor ou hoendervideo

Foto ter illustrasie. (Foto: SA Post Office/Twitter)

Werkers van die Witrivier-poskantoor in Mpumalanga wat op video vasgevang is toe hulle die vere van ʼn spul dooie hoenders in ʼn poskamer uitpluk, is glo lankal in die pad gesteek.

Dié video is reeds in 2018 deur die Laevelder-koerant gepubliseer, maar doen nou weer die ronde op sosiale media.

Die Suid-Afrikaanse Poskantoor het vandeesweek in reaksie hierop ʼn verklaring uitgereik waarin hy bevestig dat die twee werkers wat op die video te sien is destyds na afloop van ʼn dissiplinêre verhoor afgedank is.

Die dissiplinêre proses is glo kort na die verskyning van die video afgehandel.

“Die Poskantoor handhaaf etiese gedrag en het ʼn streng beleid teen alle vorme van onreëlmatige of onwettige gedrag.

Die Poskantoor sê hy werk hard om ʼn kultuur te vestig wat op goeie kliëntediens geskoei is.

“Die betrokke poskantoortak het onlangs komplimente by lede van die publiek oor hulle goeie diens ontvang.”

Die Poskantoor het mense aangemoedig om enige verdagte gedrag “met soveel as moontlik bewyse” by [email protected] aan te meld.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

18 Kommentare

jongste oudste gewildste
Renier

Sosiale media.Een keer op die internet, altyd op die internet. Solank dit dien as n herinnering .

Anel

Sjoe, die tannie is skoon uitasem so kwaad is sy. LOL. Maar nou ja, al is dit oud, is dit skreew snaaks. Net is Afrika!!! Of sal ek nou sê, Suid Afrik!!!

Anna-marie

Ek hoop video word oorsee gestuur dat hulle kan sien wat aangaan in hierdie land.

AW

Ja Nee !!

JohanR

Al het dit in 2018 gebeur maak dit jou nog naar. Seker gelukkig dit was nie ‘n bees nie!