kykNET reageer ná K-woord in ‘Kwarantyn’-huis

Jana le Roux en haar dogter, Lisa, is deelnemers aan ‘Kwarantyn’. (Foto: Instagram)

ʼn Storm het Donderdag losgebars toe een van kykNET se Kwarantyn-deelnemers die K-woord kwytgeraak het tydens ʼn speletjie op die program.

Die program word 24 uur per dag regstreeks op DStv-kanaal 149 uitgesaai.

Jana le Roux (49), ma van die Le Roux-gesin wat in die Kwarantyn-huis teen die Scheepers-gesin meeding, het ʼn herrie ontketen op sosiale media toe sy na ʼn k*****pak verwys het.

Karen Meiring, direkteur van kykNET-kanale by M-Net, het die voorval in ʼn verklaring bevestig.

“Donderdagaand in die program Kwarantyn is ʼn rassistiese opmerking gemaak wat indruis teen die Grondwet, die gees van die program en die aard en wese van kykNET. Die kanaal vra om verskoning aan almal wat hierdeur beledig is. kykNET bly verbind tot ʼn nie-rassige samelewing, sonder diskriminasie,” het Meiring gesê.

“kykNET skram nie weg van die verantwoordelikheid om historiese en aktuele komplekse onderwerpe te takel en te belig nie. Die situasie vra vir besliste optrede en word met dringendheid bestuur.”

Twee uitgebreide Afrikaanse gesinne, wat mekaar van geen kant af ken nie, ding in die program teen mekaar mee om as die gewildste gesin onder kykers gekroon te word en ʼn kontantprys van R250 000 los te slaan.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

29 Kommentare

jongste oudste gewildste
Marius

Nog n storm oor n oertyd oue seding en spreekword . Regtig ? Gaan lees na oor die seding en vat dit van daar af .

Peet

Ag ja hier gaan ons al weer. DSTV(Kyknet) moet tog net nie op julle knieë neerval en handjie in die lug om vergifnis pleit nie.

Schalk

So moeg vir belaglike heksejag na “rassisme” waar daar niks is nie. Wie het sy nou ingedoen ? Sy sal ook seker moet voete soen in die in die publiek om vergewe te word.

AmY

Ai tog.

Ons het die sê-ding dan so baie gebruik.

En sy het mos nie die Scheeperse direk beledig nie.

As Jana ‘swaar gesraf gaan word’, gaan baie van ons ons DSTV kanselleer en dan gaan die subskrubsie bitter hoog wees.

Baie mense is al oor na die goedkoper pakket, en kan selfs dit nie meer bekostig nie.

Sterkte Jana. Ek glo alles gaan goed eindig vir jou.

Juan

Hoe is dit enigsins rassisties van aard om so iets te sê as jy dit nie spesifieks teen iemand rig nie? Ja dalk is dit nie van pas nie en sy kan onverskoning vra maar kom nou mense… hoe ver is ons al verbei wat logies sin maak? Mens mag nie meer jou mond oop maak of iemand vat offence nie… is ons as mensdom nou al so gebreinspoel om spoke agter elke skaduwee te soek? Dis pateties…en Kyknet is net so pateties om weereens op hulle kniee te gaan en jammer te sê. Kry ‘n RUGGRAAT!