KZN-plaasmoord: Egpaar op hul plaas doodgeskiet

Argieffoto

Argieffoto

Nico en Mercia Lens is Woensdagmiddag op hul plaas in die Paulpietersburg-distrik in KwaZulu-Natal doodgeskiet.

Nico en Mercia, albei in hul vyftigs, het op die plaas Elim tussen Paulpietersburg en Utrecht met beeste geboer.

Eugene van Aswegen, voorsitter van AfriForum se Paulpietersburg-tak, sê die egpaar is omstreeks 17:00 op hul plaas oorval. “Ons vermoed Nico is buite die plaashuis aangeval. Mercia was binne die huis en kon daarin slaag om die paniekknoppie te druk.”

Van Aswegen sê toe bure by die egpaar se plaas opdaag, was dit egter reeds te laat. “Nico se liggaam is buite die huis gevind. Hy het ʼn skietwond aan sy kop gehad. Mercia se liggaam is in die huis gevind. Sy is ook geskiet.”

Van Aswegen sê verteenwoordigers van AfriForum, bure en die polisie het tot laataand na die moordenaars gesoek. Hy sê niemand is nog in hegtenis geneem in verband met die voorval nie.

Volgens Van Aswegen het die moordenaars moontlik met vuurwapens en geld gevlug. “Die kluis was oop en daar was vuurwapens in die sitkamer.”
Die Lens-egpaar laat hul dogter, Christine Meyer, agter. Sy woon in Paulpietersburg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Gert

So onnodig en hartseer. Rus in Vrede Nico en Mercia

JOHANNES

Hierdie is besig op te erg te raak en Sa se kos produsente raak minder en minder.Dit is tyd dat hierdie internationaal geneem word.Dit kan nie so aangaan nie.DIT IS VOLKSMOORD.

Anoniem

Indien die doodstraf nie terug gebring word nie sal dit die norm wees en sal dit nog erger word.
Hang them high.

Anoniem

Indien die doodstraf nie teruggebring word nie sal dit die norm wees en dit word erger.
Hang them high!!!!!

Eve van Heerden

RIP Nico & Marsha – such loving people & such a loss to the community & their families. We can only hope & pray that the perpetrators will be found & brought to justice (though the justice system sucks!). Such barbaric attacks & so unneccessary!!