KZN-wetgewer debatteer oor doodstraf-referendum

Argieffoto

Argieffoto

Willies Mchunu, LUR vir vervoer, gemeenskapsveiligheid en samewerking in KwaZulu-Natal het ʼn versoek, dat die doodstraf weer ingestel moet word, van die hand gewys.

Mchunu het reageer op eise deur die Nasionale Vryheidsparty (NFP) dat ʼn referendum oor die doodstraf nodig is.

“Ons kan nie terugkeer na ʼn primitiewe era waar die staat mense doodmaak nie,” het Mchunu gesê. “Daar is geen bewyse om die bewering te staaf dat die doodstraf tot ʼn afname in misdaad lei nie. Die versoek skep vals hoop.”

Die debat het in die wetgewer voortgeduur, ondanks die DA-koukusleier wat daarop gewys is dat só debat in die Nasionale Vergadering moet plaasvind, en nie in die provinsiale wetgewer nie.

Die NFP het gesê dit is hoog tyd dat die saak in die lig van die provinsie se hoë misdaadstatistiek hersien moet word. “Dit is nou al 21 jaar sedert die ANC aan bewind is. Kom ons gaan na die mense toe en kry hulle reaksie,” het Erickson Zungu, provinsiale adjunkvoorsitter van die party, gesê. Hy het gesê statistiek dui daarop dat gewelddadige misdaad toeneem en die reeks aanvalle op die polisie is ʼn bewys dat daar sterk opgetree moet word teen misdaad.

Die DA-koukusleier, Sizwe Mchunu, het gesê die onbeheerste vlakke van misdaad is ʼn bewys van ʼn onsuksesvolle leierskap, en hy het spesifiek na LUR Mchunu en die provinsiale polisikommissaris lt.genl. Mmamonnye Ngobeni verwys. “Wat kan mens verwag van ʼn LUR wat nie komiteevergaderings bywoon waar misdaadkwessies bespreek word nie? Die feit van die saak is dat mens nie baie kan verwag indien leierskap ontbreek nie.”

Vusi Khoza van die Ekonomiese Vryheidsvegters het gesê aanvalle op die polisie is as gevolg van woede van die gemeenskapslede. “Wanneer mense kla oor dienslewering, word hulle soos Andries Tatane geskiet. Wanneer hulle beter salarisse wil hê, word hulle geskiet soos in Marikana, en wanneer studente eis dat studentegeldverhogings opgeskort moet word, skiet die polisie op hulle. Watter houding verwag jy van die publiek?” wou Khoza weet.

Nhlanhla Msimang van die Inkatha Vryheidsparty en Shameen Thakur-Rajbansi van die Minority Front het gesê hulle ondersteun die versoek om ʼn referendum vir die doodstraf.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
GES

Maar dit is maar reg en aanvaarbaar dat boosdoeners wat die reg van lewe nie verdien nie, om ander mense te dood, vermink en permanente letsels toe te dien. Wat maak die hierdie skuim so belangrik dat die belastingbetalers, hulle ‘n kommervrye lewe in ‘n tronk, met stemreg en allerhande voordele moet bied? Dit is nie nodig om te Google nie om te sien dat iets baie radikaal verkeerd is.

Shirley

Ek persoonlik dink hul moet die doodstraf terugbring. Die misdaadsyfer sal defnitief daal.

Please

N oog vir n oog en tand vir n tand , die bybel se jy mag nie moor nie .

Gert

Die publiek word vermoor so laat die publiek stem vir wat hulle wil he .

Pieter dp

Al daar aan ge dink dat die heersende party soos ANC dit kan gebreuk om op n slingse manier van hul teenstanders onslae te raak.