Een persoon is oorlede ná ʼn ligte vliegtuig Maandag naby die ou Nelspruit-lughawe neergestort het.
Paramedici van Emer-G-Med is net voor 16:00 saam met verskeie ander nooddienste na die toneel ontbied.
“Die vliegtuig was in stukke. Die vlieënier, die enigste persoon aan boord, is op die toneel dood verklaar,” het Kyle van Reenen, woordvoerder van Emer-G-Med, in ʼn verklaring gesê.
Die Burgerlike Lugvaartowerheid en die Suid-Afrikaanse Polisiediens sal die oorsaak van die ongeluk ondersoek.
Sjoe wat gaan aan. Daar val gereeld kleiner vliegtuie. Jammer vir die families