(Argieffoto: Pixabay)
’n Luiperd het Sondag ’n werknemer van die Sabi Sand-wildreservaat – wat aan die Krugerwildtuin grens – aangeval.
Luidens ’n verklaring deur die reservaat het die luiperd die werknemer op die stoep van haar woning aangeval.
Sy het veelvuldige beserings opgedoen en is per helikopter na ’n nabygeleë hospitaal geneem.
Die reservaat sê die luiperd, ’n mannetjie, was oud en in ’n slegte toestand.
“Dit is ongewone gedrag vir ’n luiperd, en daar word aanvaar dat sy ouderdom en slegte gesondheidstoestand tot hierdie desperate aanval gelei het,” lui die verklaring.
Die luiperd is volgens die protokol vir voorvalle van hierdie aard, van kant gemaak. Dit is gedoen met die nodige goedkeuring van die betrokke provinsiale owerheid, die Mpumalanga-toerisme-en-parkagentskap (MTPA).
’n Volledige ondersoek na die voorval sal volg.
Maroela Media het vroeër berig ’n personeellid van die Skukuza-gholfklub in die Krugerwildtuin is op 26 Junie buite sy woning deur ’n luiperd aangeval. Die personeellid het wonderbaarlik oorleef.
’n Maand daarna is nog ’n werker in die Kruger Shalati-konsessie in die wildtuin op pad werk toe deur ’n luiperd aangeval.
Groot jammerte, maar ongelukkig nodig. ‘n Ou en beseerde luiperd sal weer mense aanval.
Die ou luiperd het seker gereken dit is n maklike prooi, natuurlike instink, gelukkig het die werknemer oorleef.
Is dit nie miskien dieselfde Luiperd nie???
Ek SWEER ek weet nie hoekom wilde diere ELKE keer moet van kant gemaak word, wanneer hulle in hul natuurlike habitat aanval nie. Dis nie asof daar ‘n werklike onderskeid getref word tussen mens en dier wanneer dit as prooi gesien word nie. Maak my siek!!! Swak verskoning dat dit a.g.v ouderdom en siekte is nie. TWAK man!!
Hy was seker honger