Lily Geerdts. (Foto: Mariska Venter)
In Maroela Media se podsendingreeks oor kindervoeding gesels ʼn handjievol kenners oor hoe wanvoeding kinders se algehele gesondheid beïnvloed en hoe ouers kan help om daarteen te waak.
Lily Geerdts, stigter en uitvoerende hoof van Headstart Kids, is aan die woord in die eerste episode van die reeks.
Headstart Kids is ʼn organisasie sonder winsbejag wat poog om ʼn wesenlike verskil te maak in die bekamping van wanvoeding in voorskoolse kinders regoor Suid-Afrika.
Lily gesels in die eerste episode oor die missie en visie van Headstart Kids, wat presies die definisie van wanvoeding is en hoe dit voorkom kan word.
- Luister boaan die artikel na die volledige episode.
- Vir meer inligting oor Headstart Kids, besoek die webwerf.
Lily Geerdts en haar kinders. (Foto: Verskaf)
