Magashule oorweeg regstappe ná mediaberigte

ANC-sekretaris-generaal Ace Magashule (Foto: Itumeleng English/ANA)

Ace Magashule, die ANC-sekretaris-generaal, het Maandag gesê hy kan nie kommentaar lewer op mediaberigte wat dié hoë daarvan beskuldig dat hy aan die hoof staan van ʼn goedgeorganiseerde staatskapingnetwerk nie, aangesien hy regstappe oorweeg.

“Ek is net bekommerd omdat ek die wettige roete oorweeg. Julle skryf bewerings, julle skryf nie feite nie,” het Magashule Maandagmiddag aan joernaliste gesê by die party se nasionale uitvoerende komiteevergadering in Irene in Pretoria.

Die ANC het Magashule verdedig nadat Sondagkoerante bewerings uit Pieter-Louis Myburgh se boek Gangster State – Unravelling Ace Magashule’s Web of Capture gepubliseer het.

Die ANC het gesê die jongste berigte in Sondag se Sunday Times en City Press oor Magashule is ʼn “goedgekoördineerde media-aanval”. “Die inhoud van die voorbladstories in albei koerante is byna identies en daar is selfs paragrawe met presies dieselfde bewoording. Dit is gegrond op ʼn tipiese stratcom-tipe fopnuusboek deur Pieter-Louis Myburgh, met die sensasiewekkende en belaglike propaganda-opskrif, ‘Gangster State – Unravelling Ace Magashule’s Web of Capture’ [Rapport: ‘Ace “steel by jou, gee dit vir ANC” – Skokboek betrek ANC se sekretaris-generaal by nes van bedrog’].”

Die ondersoekende joernalis Pieter-Louis Myburgh maak verskeie aantygings in sy jongste boek oor staatskaping en veral oor die die sekretaris-generaal van die ANC, Ace Magashule.

Aldus die verklaring is Myburgh reeds sedert 2016 besig “om leuens oor die sekretaris-generaal te versprei. “Ons beskou dié boek nou as die kroon van dié leuens.”

Magashule het gesê vandag se vergadering het bloot gefokus op die ANC-kandidaatlys wat aan die Verkiesingskommissie van Suid-Afrika voorgelê is vir die komende algemene verkiesings op 8 Mei en die probleem van beurtkrag wat met Eskom verband hou.

“Ons is bly dat die regering aan hierdie saak [beurtkrag] aandag gee en ek is seker ons het gesien dat beurtkrag inderdaad hanteer word soos ons verder gaan,” het die sekretaris-generaal gesê.

Magashule het wel erken dat daar steeds uitdagings oor die kwessie is, maar het landsburgers verseker dat die regering dié uitdagings hanteer.

Hy het ook bewerings dat die kandidaatlys vir die verkiesing verander het, ten sterkste ontken.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

58 Kommentare

jongste oudste gewildste
Uiltjie

Eish! Ace! Jy slaat ons vir n ace!

Jacobus Krynauw

Net soos hoeveel bedrieërs van sy party lede vantevore gedreig het…

Danny

Dis so vat die mense hof toe moenie net praat nie Ace, kom wys ons jy is so onskuldig soos baba poeier.

Charlie

Gee my n geleentheid.
Soos die boeke
“The President’s Keepers”,
“Farm Murders” aanvanklik ontken was en later as onweerlegbaar waar uitgewys is, sal hierdie boek dieselfde pad volg.
Ace kan dreig as daar iets as onwaar bewys kan word, maar as dit alles wasr is loop sy dreigemente op baie dun ys.

Elsa

Mm waarheid maak seer. Wag vir jou by die hoftrappies.