Malema weer in hof

Julius Malema tydens ‘n vorige hofverskyning. Foto: ANA

Die EFF het Vrydag ʼn beroep op die nasionale vervolgingsgesag (NVG) gedoen om die aanklagte teen sy leier, Julius Malema, te laat vaar. Die aanklagte hou verband met die oortreding van die Wet op Oproerige Byeenkomste van 1956.

Malema moet Vrydag weer in die Bloemfontein-landdroshof verskyn nadat hy in 2014 tydens die party se verskiesingskonferensie in Bloemfontein lede van die EFF aangemoedig het om oop grond te beset. Hy staan tereg op aanklag van aanhitsing. Hy het in Junie 2016 dieselfde beroep op sy lede gedoen tydens ʼn byeenkoms naby Madadeni in KwaZulu-Natal, waarvoor hy ook tereg staan.

Die EFF-leier se regspan betwis egter die grondwetlikheid van die Wet op Oproerige Byeenkomste en beskuldig die staat dat hy “wette uit die apartheidsera” gebruik om kritici stil te maak.

Malema het in April in die Bloemfontein-landdroshof verskyn, waarna die saak tot vandag uitgestel is hangende ʼn uitspraak oor die grondwetlikheid van die aanklagte teen hom.

Mbuyiseni Ndlozi, die EFF se woordvoerder, het Vrydag gesê die aanklagte word gebruik om Malema te “frustreer” en die EFF te verhoed om ʼn “suksesvolle rewolusie” uit te voer rakende grondonteiening sonder vergoeding.

“Die aanklagte is ook ʼn vermorsing van hulpbronne en tyd en gegrond op wette wat uit die apartheid-wetgewing kom. Dieselfde wetgewing is gebruik tydens die berugte Rivonia-verhoor en is teenstrydig met die demokratiese Grondwet ná 1994. Daar is dus geen twyfel dat die hoër howe sal beslis dat dit nie vandag gebruik word nie,” het Ndlozi gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

26 Kommentare

jongste oudste gewildste
Johan H.

Sal niks oorkom nie hy sit die sogenaamde howe , ore aan!!!

siestog

Onteien misdadigers en vat hulle grond.

leser

“om die eff te verhoed om ‘n susksesvolle “REVOLUSIE” uit te voer”
wat anders is dit om dit ‘n oorlogs verklaring te maak
malema jy het in jou bed geslaap, jy sal dit maar moet opmaak ook
grootpraters kry gewoonlik ‘n opstopper wanneer hulle dit die minste verwag, vra maar vir lesufi

Anoniem

Ek verstaan nie, solank as wat die wet op oproeprige byeenkomste bestaan moet hy mos daaronder vervolg word, of hoe dan nou? hy moet aan die pen gery word vir sy optrede terwysl die wet nog van krag is… die grondwetlikheid en die EFF se “struggle” daarteen kan nog steeds voortgaan maar vir solank die wet nog nie afgeskaf is nie is dit steeds geldig en Malema moet vervolg word…. hier kom net nog n uitstel

Koos de Meyer.

Juju daai wiel hy gaan vir jou ook draai my bra. As daai geel speek bo kom jy gaan shya tafula. Dit meen jy gaan betaal.