Man aangekla ná twee hom op plaas oorval

Sonsondergang_windpomp_ReintDykema.jpg

Argieffoto: Reint Dykema

ʼn Saak is teen ʼn 52-jarige man van Limpopo aanhangig gemaak nadat hy en sy vrou Donderdag in die vroeë oggendure op hul plaas in die Letsitele-gebied deur twee aanvallers oorval is.

Brig. Motlafela Mojapelo, woordvoerder van die polisie, het gesê die voorval het omstreeks 02:30 op die plaas Darina gebeur. Kobus Nel (52) en sy vrou is deur twee verdagtes, wat balaklawas gedra het en messe by hulle gehad het, wakker gemaak.

Volgens Mojapelo het die verdagtes ʼn venster oopgedwing om toegang tot die huis te kry. Hulle het die egpaar met die messe gedreig, geld geëis en hulle met toue vasgebind. Hulle het daarna ʼn jaggeweer met drie patrone, twee selfone, ʼn DVD-speler en ʼn televisie gesteel en op die vlug geslaan. Die egpaar is ongedeerd.

Mojapelo het gesê ʼn saak van nalatige besit van ʼn vuurwapen sal teen Nel aanhangig gemaak word omdat die vuurwapen glo in oortreding van die Wet op Vuurwapenbeheer geberg is. Dit was nie onmiddellik duidelik wat Nel se beweerde oortreding was nie.

ʼn Saak van huisbraak word ook ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

103 Kommentare

jongste oudste gewildste
Poplap

Mens kan nie die polisie vertrou nie. Nie meer nie in elk geval. Jy word aangeval in jou huis jy word besteel en vasgebind dan word daar n saak teen jou gemaak. Lagwekkend

Kapenaar

Die berig is regtig swak. Was die vuurwapen nie in ‘n kluis nie? Het dit dalk in die kamer gestaan om gereed te he, wanneer dit benodig word? Indien wel, is die SAPD siek verby. Moet jy eers wag totdat hulle jou aanval, en dan net gou vir die rowers toestemming vra om jou wapen uit die kluis te haal!!

Koos

Nou waar kan jy dan jou wapen sit as jou huis gesluit is en die skelms breek in om jou te kom beroof en te vermoor. Belaglik dat die man nou aangekla moet word. Ek kook van woede om so iets te hoor.

Gert

Met n goeie prokureur sal hy onskuldig kom. Ironies dat die SAPD meer begaan is oor die berging van die wapen.

Jan Karsten

Wat de hel soek hulle in die huis. Nou kan hulle inbreek, dreig en steel en jy is die skuldige party. Wat het van die wet in SA geword. Ek dink polisie beamptes moet bietjie beter opgelei word deur die skuldiges te vang en vervolg.