Man besteel ná hy op vrou se aanlyn advertensie reageer

Argieffoto

ʼn 21-jarige vrou het in die Pretoriase landdroshof verskyn op aanklag dat sy ʼn man na haar woonstel gelok het met ʼn aanlyn advertensie en hom daarna beroof het.

Kapt. Daniel Mavimbela, woordvoerder van die polisie, het gesê die slagoffer, ʼn 29-jarige man van Pretoria-Wes, en die verdagte het ooreengekom om mekaar by die vrou se woonstel in Sunnyside te ontmoet nadat die man op haar advertensie reageer het.

“Hy het R300 kontant vir haar gegee en het op die bed gaan sit en verwag dat die transaksie sou voortgaan,” het Mavimbela verduidelik. “Drie mans het egter daarna by die woonstel ingekom en die verdagte het die slagoffer alleen agtergelaat met haar beweerde medepligtiges.”

Die drie mans het glo ʼn verdere R400 kontant van die man gesteel tesame met ʼn Samsung S3-selfoon, bankkaarte en pinkodes, maar die man het geen geld in sy bankrekening gehad nie.

“Die verdagte is by haar woonstel in hegtenis geneem tydens ʼn klopjag deur die polisie,” het Mavimbela bygevoeg.

Sy staan tereg op aanklag van diefstal en is vrygelaat op borgtog van R1 500. Sy moet op 25 Julie 2017 weer in die hof verskyn.

“Persone wat iemand anders aanlyn ontmoet, word versoek om versigtig te wees. Indien jy ʼn vreemdeling vir die eerste keer ontmoet, dring daarop aan dat dit in die openbaar gebeur. Indien vreemdelinge ontmoet vir meer as net om mekaar beter te leer ken, moet hulle eerder na hotelle of na bed-en-ontbyt-plekke gaan,” het hy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

17 Kommentare

Ander Annie ·

@Mielie, dink ek mos dieselfde….boontjie kry sy loontjie. Wat ‘n belustige saketransaksie.

sorrows ·

die dametjies was seker vas oortuig die kliënt sou te skaam wees om te gaan kla.

Elvira ·

Haha nou het ek darem lekker gelag oor die troeteldiertjie

Swartkat ·

Hy verdien dit – shame kan ‘ n mens jou naam so krater maak . Sy katoolsheid moes hom meer gekos het – geen simpatie vir hom nie

WitBlits ·

Die korrasies kan ‘n man duur kos en daarom het elke “sports” beserings!

Sputnik ·

Jollie, die korrekte uitdrukking is: “Meng jou met die semels dan vreet die varke jou”.

Pastoor ·

1 korintiers 6.10. Verduidelik mos mooi. Moet nie dit doen nie

#?? ·

Skotvry?? Moenie in die toekoms kla oor misdaad in SA nie. Hier is duidelik prostitusie, diefstal, roof, bedrog moontlik ook menseroof en aanranding betrokke.

vrikie ·

Glo nie jy kan die tipe aanlyn transaksie in ‘n restaurant beklink nie

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.