Man hang kinders, homself

Argieffoto: Miguel Roberts/The Brownsville Herald via AP

Gautengse polisiebeamptes het Dinsdag op ʼn grusame toneel in ʼn huis in Soshanguve, noord van Pretoria, afgekom toe hulle die liggame van ʼn 29-jarige man en sy vriendin se drie jong kinders aangetref het.

Kapt. Kay Makhubele, woordvoerder van die polisie, sê beamptes van die Rietgat-polisiestasie is omstreeks 10:20 na die huis in Blok W ontbied. Daar het die beamptes die liggame aangetref waar hulle in die huis gehang het.

“Volgens inligting het die man die drie kinders, ʼn 11-jarige seun en twee dogtertjies, onderskeidelik twee en drie jaar oud, by hul ma se huis in Blok FF gaan haal onder die voorwendsel dat hy hulle skool en dagsorg toe sou neem. Hy het hulle egter na sy kamer geneem waar hy hulle gehang het voordat hy homself om die lewe gebring het,” het Makhubele gesê.

Die motief vir die moorde is nog nie bekend nie.

Lt.genl. Elias Mawela, provinsiale polisiekommissaris in Gauteng, het ʼn beroep op die gemeenskap gedoen om na die toepaslike owerhede uit te reik wanneer hulle persoonlik probleme ervaar vóór dit ʼn vlak bereik waar die lewens van onskuldiges geneem word.

ʼn Saak van moord is aanhangig gemaak en ʼn geregtelike doodsondersoek word gedoen.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Malanie Burger

Hoe selfsugtig moet jy wees om 3 kinders se lewens te neem……

Sakkie

Ai dit is so onnodig. Sterkte vir die familie.

marous

Nee!

Susan

Nee!! Hoe desperaat moet jy wees om jou eie kinders te wil hang!

honourable member

Sjoe dis baie hartseer. Hoe desperaat moes hy nie gewees het nie maar ons sal nooit kan verstaan wat in sy binneste aangegaan het nie. Sterkte aan die familie met hierdie helse skok wat hulle moet prober verstaan en verwerk.