(Argieffoto: Unsplash)
ʼn 25-jarige man sal na verwagting Maandag in die Molopo-landdroshof in Mmabatho in Noordwes verskyn vir die besit van menslike liggaamsdele.
Brig. Sabata Mokgwabone, woordvoerder van die polisie, sê die man is Saterdagaand in die Montshiwastad-nedersetting, digby Mahikeng, vasgetrek.
Sy inhegtenisneming volg nadat lede van die blitspatrollie inligting ontvang het dat die man glo sy ma vermoor het en haar kop in ʼn sak ronddra.
“Tydens die verdagte se inhegtenisneming het hulle die sak in sy besit gevind. Die sak is deursoek en die kop van ʼn mens is daarin gevind,” sê Mokgwabone.
Mokgwabone sê die verdagte het glo erken dat hy sy ma verlede Maandag in Hercules in Pretoria vermoor het.
Nadat die verdagte vandag in hof in Noordwes verskyn, sal hy na Pretoria geneem word om daar op aanklag van moord tereg te staan.
Die motief vir die moord is in hierdie stadium nog nie bekend nie en die polisie se ondersoek duur voort.
Lt.genl. Sello Kwena, provinsiale polisiekommissaris in Noordwes, het die lede van die polisie geloof vir hul vinnige optrede wat tot die man se inhegtenisneming gelei het.
Liewe hemel maar die man is siek in sy kop.
Ag nee die wereld raak siek..
Dis nou ‘n nuwe vlak van sieklikheid.
Hy is gevaar vir samelewing. Hoop hul verloor die sleutel
Elke dag word die vorige dag se bizare gedrag oortref. Daar is net geen perke tot wat mense meer in staat is nie.
Dis kommerwekkend om te dink daar is mense wat nog in toordokters en moeti (soos liggaamsdele) en tokkelossies glo. Hulle sit ook in die parlement