Man skok dood by Jhb-substasie

Argieffoto: Pixabay.com

Werknemers van City Power in Johannesburg het Sondag op die liggaam van ʼn man afgekom wat doodgeskok het toe hy aan ʼn substasie gepeuter het.

Isaac Mangena, woordvoerder van City Power, het gesê die substasie is naby Steeldale in die suide van Johannesburg geleë. “Die persoon het vermoedelik geskok toe hy aan staalmateriaal in die substasie gepeuter het. Hy het werksgereedskap by hom gehad.”

City Power waarsku persone om nie aan sy infrastruktuur te peuter of dit te vandaliseer nie. “Nie net is dit baie duur om te herstel nie, dit lei gewoonlik tot dood of beserings,” het Mangena bygevoeg.

Die man se identiteit is nog nie bekend nie en dit is in hierdie stadium ook onduidelik of hy alleen gewerk het. Die toneel is aan die polisie oorgegee wat verder ondersoek instel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

5 Kommentare

Andries Visagie ·

Snaaks hoe dit altyd kwansuis iemand is wat “peuter”, dis verpestelike kabeldiewe, niks anders nie. “Werksgereedskap” = diefstaltoerusting.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.