Man sterf tydens gyselaarsdrama in polisiestasie

(Foto: SAPD/Facebook)

Die Onafhanklike Polisieondersoekdirektoraat (Opod) stel ondersoek in ná ʼn verdagte by die Jane Furse-polisiestasie gesterf het.

Lizzy Suping, woordvoerder van Opod, sê die voorval het Maandagaand omstreeks 20:00 plaasgevind. “Die verdagte het ʼn vuurwapen uit een van die beamptes se bobeen-pistoolsak gegryp. Die beampte was besig met gemeenskapsdienspligte. Die verdagte het die polisiebeamptes gyselaar gehou en gesê hy gaan hulle doodmaak.”

Ander beamptes van die gemeenskapsdiens-eenheid kon hul eweknieë in kennis stel van die gyselaarsdrama. “ʼn Onderhandelaar is ontbied saam met lede van die taktiesereaksie-eenheid. Die verdagte het geweier om hom oor te gee ná versoeke van die onderhandelaar.”

Die reaksie-eenheid het die kantoor betree waaruit die verdagte skote gevuur het en die polisiebeamptes het teruggeskiet.

“Die verdagte is onbekend. Hy het Nyaope-sakkies en ʼn spuitnaald in sy besit gehad. ʼn Geregtelike doodsondersoek word gedoen.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

2 Kommentare

jongste oudste gewildste
boerie

Gaan die polisiebeamptes ook in die tronk gegooi word en aan gekla word vir moord soos die ou tannie wat haar aanvaller geskiet het?

Maritza

Nerens meer veilig nie