Man tydens rooftog in Pta-meenthuis geskiet

Argieffoto

Argieffoto

ʼn Man is in ʼn kritieke toestand in ʼn hospitaal opgeneem nadat hy Sondag in die vroeë oggendure deur gewapende rowers in sy meenthuis in Pretoria geskiet is.

Kapt. Mavela Masondo, woordvoerder van die polisie, het gesê twee verdagtes het die kompleks in Noralaan in Willow Park Manor binnegekom en ʼn venster van een van die meenthuise gebreek om toegang tot die huis te kry.

“Die verdagtes het na bewering vuurwapens by hulle gehad en het twee mense in die huis oorval. ʼn 30-jarige man is geskiet. Die verdagtes het met skootrekenaars, rekenaartablette en beursies op die vlug geslaan,” het Masondo gesê.

Masondo wou nie die naam van die man bekendmaak nie.

Athlenda Mathe, woordvoerder van Netcare 911, het gesê volgens paramedici wat na die toneel ontbied is, is die man verskeie kere geskiet. Hy is in ʼn kritieke toestand na ʼn nabygeleë hospitaal gehaas.

Volgens Masondo is die verdagtes steeds op vrye voet. “Die polisie ondersoek ʼn saak van huisroof en poging tot moord,” het hy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

34 Kommentare

jongste oudste gewildste
Christine

Dit is regtig nie meer snaaks om ELKE dag te lees van iemand wat geskiet is tydens rooftog nie :( En die regering doen absoluut NIKS! All sterkte vir al die families wat soveel pyn & lyding moet deurmaak. Mag die Here julle sterk hou!

pieter

Ja nee wragtig te bang om die koerant oop te maak want dit is net moord moord en die regering doen niks nie. Pateties

Gert

Waneer gaan ons klomp slap gatte begin iets hieraan doen?

Landi Maree

Sterkte aan di familie
Jammer om te se hier gaan weer niks asn gedoen word. N jaar of wat as hulle gevang word en hulle is geskool om weer verder te moor n roof
Bring doodstraf terug ons belasting betalers ht ni nodig om moordenaars verkragters n rowers te akkomodeer ni

Gatvol

Ek stem saam met jou Gert. Die moord en geweld teen ons mense gaan wel stop…..sodra die laaste wit velletjie ses voet onder die grond begrawe is. Vir almal wat geduldig wag vir n politieke party om iets te doen, raai wat ???? HULLE GAAN NIE!!! Ons kan net ons self help.Dis te se as ons wil……..