Man verdrink in Kliprivier

Paramedici op die toneel. Foto: Verskaf

ʼn Man in sy 40’s het Vrydagoggend in die Kliprivier in Meyerton, Gauteng, verdrink.

Ineke van Huyssteen, woordvoerder van ER24, het gesê paramedici is omstreeks 12:40 na die rivier ontbied waar die man op die toneel dood verklaar is.

Die man se liggaam is deur die polisie se soek-en-reddingseenheid uit die water gehaal.

Die presiese omstandighede rondom die voorval is nog nie bekend nie en word deur die polisie ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.