Man verdrink in plaasdam

Argieffoto

ʼn Man het Vrydagmiddag in ʼn plaasdam naby Port Alfred in die Oos-Kaap verdrink.

Die Nasionale Seereddingsinstituut (NSRI) het gesê sy bemanningslede is omstreeks 15:00 na die plaas, oos van Port Alfred, ontbied. Juan Pretorius, die plaaslike stasiebevelvoerder van die NSRI, het gesê die SAPD, Multi Sekuriteitsdienste, die provinsiale nooddienste en Gardmed-ambulansdienste het ook na die toneel gehaas.

“Met ons aankoms op die toneel het reddingswemmers dadelik die dam begin deursoek. Ooggetuies het gesien hoe die man, in sy 30’s, onder die water verdwyn,” het Pretorius gesê. Die man was glo ʼn werker op die plaas.

“Die reddingswemmers het die liggaam van die man gevind en hom uit die water gehaal. Paramedici het probeer om hom by te bring, maar nadat hulle alles moontlik gedoen het, is hy ongelukkig dood verklaar,” het Pretorius gesê. “Ons betuig ons innige medelye met sy familie en die plattelandse gemeenskap.”

Die polisie doen ʼn geregtelike doodsondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

5 Kommentare

lizzie ·

Lorieka, jou kommentaar is ongelooflik onsensitief. Dis iemand se geliefde waaraan jy praat.

Elisabeth Kruger ·

Nee Lorieka, wat sou jy gedoen het as dit jou kind was. ??

Scalla ·

Hoe het dit gebeur? Was dit n ongeluk? Die berig sê nie veel nie, sterkte aan die naby hom

Alida ·

En die ooggetuies sien hoe hy in die water val en doen niks?

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.