Massmart Holdings bedryf ondermeer Game, Makro, Dion Wired en BuildersWarehouse in Suid-Afrika. Foto: InceConnect.co.za
Die kleinhandelsgroep Massmart gaan dalk binnekort 34 winkels sluit. Dit sal na verwagting duisende mense hul werk kos.
Die groep het Maandag in ʼn verklaring gesê hulle is besig met ʼn konsultasieproses in ooreenstemming met die Wet op Arbeidsverhoudinge. Massmart se moedermaatskappy is Walmart in Amerika en besit winkels soos Game, Makro, Builders Warehouse, DionWired en Jumbo. Sou die groep voortgaan met die sluiting van 34 winkels, kan tot 1 440 mense hul werk verloor. Volgens die verklaring sal die sluitings veral DionWired- en Masscash-winkels beïnvloed.
Maroela Media het reeds in Mei verlede jaar berig dat Massmart se toekoms troebel lyk. Toe het die maatskappy reeds sowat 13% van sy waarde op die aandelebeurse verloor nadat hy gewaarsku het dat sy tussentydse wins met tot 50% kan daal.
DionWired doen mense so in, met swak customer service, dis nie asof die mense daar werk nie, so kan net sowel toemaak.
Baie goed gestel, die waarheid klink altyd baie goed! want dis die WAARHEID wat jy hier skryf
Kliëntediens, of het ons almal sommer al mooitjies besluit om Afrikaans vaarwel te roep?
Dankie Charles, vir ‘n heel van pas kommentaar. Minagting vir ons taal is nogal dikwels deel van die taalgebruik van diegene wat hulself as konserwatief voorhou.
Ek hou vreeslik baie daarvan om so suiwer as moontlik te kan praat, maar dis regtig nie nodig om te preek vir mense nie. Taal is n lewendige organisme, nie staties nie. Dit verander daagliks en kry nuwe swaaie en draaie by, hetsy Engelse swaaie of draaie, of van een of ander taal.
Realiteit van ANC SA besig om nou in te tree.
Prys wat betaal word vir swak dienslewering. Indien jy nie behoorlik ksn dienslewer nie gaan jy prys betaal
Beslis, SA is nou oorwaardeer. Ons is in vir rowwe tye. Die kleinhandel word nou goed uitgeskud. Winkelsentrums sal begin leegstaan. Banke sluit takke. Motorverkope is af, en duur huise staan leeg. Selfoongroepe, private skole en DSTV leef nog in ‘n sprokieswêreld.
Builders kan ook maar toemaak, swak diens en hoë pryse is hulle ondergang
Ek koop lankal nie meer by Builders nie. Hul personeel is van die mees onopgeleide mense wat ek mee tedoen gekry het in my lewe.
Hul pryse is ook niks beter as “ander” Hardeware Winkels s’n nie.
Ek koop deesdae maar eerder “by my eie mense”.
Hulle verstaan my taal en ek kan hom aanvat as sy diens nie na smaak is nie….
Ek stem saam. Die kwaliteit van hulle produkte onder hulle eie handelsnaam laat ook veel te wense oor. Deesdae koop ek eerder by Chamberlain Hardeware, baie beter diens, produkte en pryse. Makro is vir my net so vrot.
Klagoworna dat dit gaan gebeur , maar slimmer as die wyse met die lang baard wat op die berg sit . Walmart gaan nie hul vingers brand in ‘n smeulende stinkende ashoop nie .
Ek moet sê dat ek nog elke keer dat ek by Builders Warehouse in N1 City was, ek fantastiese diens gekry het.
Kan verstaan Dion Wire loop eerste deur, Game is volgende. Stem Builders Centurion is vd swakste diens ooit, mens wag en wag vir hulp., maar daag nooit op nie patties verby.
Ek koop ook eerder by Chaimberlains diens is beter as builders en Dion wire is te duur.
Stem saam Johan. Builders Zambezi het my ingedoen met ‘n lamp, die lamp het dadelik uitgebrand by die huis en toe wil hulle dit nie vervang/vergoed nie. Van daardie tyd koop ek by Chamberlains Montana, beter diens en gehalte. Builders het baie geld uit my verloor.
Dion Wired is hiper duur. Geen wonder.
Moet dit ook moontlik aan die transformasieklok in SA met al sy tentakels gehang word. Of het dit iets te doen met die Midde-Oosterse konflik. Hoe sal ons weet? Tyd sal alleen die beslissende antwoord kan gee. As hierdie ramp ook nog SA moet tref, veral wat die toekoms van voedselverspreiders aanbetref, moet ons maar profiele begin trek van die Zim- situasie wat nou katestrofiese afmetings begin aanneem.
Rympie wat ek vele male by Builders Warehouse Boksburg gehoor het ” Sorry, we are out of stock”
DionWired is duur verby? Kan nie se ek het al ooit iets daar gekoop nie.
Load shedding gevolge, geen besigheid kan die nonsens volhou nie, so vang slim sy baas.
Ag toemaar, sluit maar die deure. Niemand wil tog werk nie. Is in elk geval onbekostigbaar.
DionWired die duurste van al die winkels.
Wat jy saai sal jy maai. Het vir die een gewag. Maasmaart het my industrie ‘n knak gegee toe hulle besluit het om alle produk in te voer van die Verre Ooste af en nie plaaslike vervaardigers te ondersteun nie. Wat dit nog erger maak is dat hulle plaaslike ontwerpe gekopieer het of net so aangestuur het vir die Chinese. Kulturele verraaiers, aangesien die produk waarvan ek praat braai bekomstighede is. Gaan kyk maar ….. alles in hulle winkels word in China gemaak. #ProudlySA #StruisBraai #InfinityBraai
Die werklike Chinese neem nou die winkels oor, nie net die produkte nie.
Die groot ding is, Dion Wired is baie duur. Jy kan presies dieselfde produkte, vervaardiger en model, by ander winkels kry teen 1/3 tot 1/2 van die prys. Dion Wired het homself uit die mark geprys. Ek kyk gereeld na die pamflette en het al vir baie lank Dion Wired met die res vergelyk. Jammer maar prys tel baie.
Makro en Game …… seker van die SWAKSTE diens …………………
Hulle het nie n clue wat klientediens is nie …………..
GEEN CLUE
Makro en Builders in Montana is seker van die swakste winkels wat jy kan kry. Hulle het hopeloos te veel personeel wat rondstaan en niks doen nie. Nie verbaas dat hulle so swak vaar. Stem saam, Chamberlain se mense is vriendelik en behulpsaam en daar staan nie om elke hoek werkers wat kliphard met mekaar gesels nie.
Dionwired is ongelooflik duur en GAME se kliënte diens by baie van hul winkels absoluut power.
Ja, toe Walmart destyds met groot trompetgeskal ingekoop het was ons belowe binne drie maande sou pryse drasties daal, die groot Amerikaanse slimjan is hier! Twee jaar later het daar nog niks gebeur nie. Die verskoning? Die Suid-Afrikaanse ekonomie is moeilik. Jare later is die ekonomie nog meer in sy peetjie, so nou’s dit nog moeiliker.
Stap in enige builders in, vra vir hulp. Die persoon wat jou help , wil jou nie help nie. en ken ook nie die produk nie.
Ek koop lankal nie meer by builders nie.
Kyk by game. probeer dien kry. almal staan rond en gesels. doen nie hulle werk nie.
maar soek die salaris.
Maak die winkels toe sodat die useless staff kan verstaan om te werk.
Walmart in Amerika se produkte IS baie goedkoper met 10 – 30%, maar nie in SA nie.
Walmart het sy kleinhandel lisensie in SA gekry nadat hy onderneem het om produkte goedkoper aan kliente kan verskaf. Onder is ons ervaring van die groep se winkels in Nelspruit.
Game iLanga Mall – Produkte nie netjies gepak in die rakke, vuil winkel, personeel staan in groepies en gesels en is nie behulpsaam, betaalpunte is onder beman, lang rye.
Builderswarehouse Grove – Groot verskeidenheid produkte, duur, personeel ken nie hul produkte, dit is nie my werk nie, gaan kyk daar, wys met vinger.
Dion Wired iLanga Mall – Klipharde musiek, werkers verstaan nie kiente se behoefte, gebruik glad nie meer die winkel.
Makro Nelspruit – Lekker parkering, groot verskeidenheid, personeel kom netjies voor, vuil toilette, personeel in groepies en op selfone, van die pakkers van die melk produkte gaan haal ‘n radio van die rak af, prop dit by die verf afdeling se counter in en luister na sy eie musiek, dae aan een. Beskikbaarheid van produkte, dit is in die palette hoog bo, maar nie op die rak. Rapporteer jy die saak word die probleem aangeskuif na ‘n ander afdeling. Produkte is nou baie duur, ons koop nie meer ons kruideniersware daar agv beskikbaarheid.
Oplossing, trek julle sokkies op, verlaag julle pryse, jull kliente is belangrik.
Ek het meer as ‘n jaar terug opgehou om by Builders te koop.Die laaste keer toe ek iemand by Builders Gezina raad/hulp gevra het was ek behandel of ek een of ander aansteeklike siekte het.Die ergste was dat drie vd sogenaamde personeel besig was om met hul kloue te sit en pap eet dat jy net oral sous sien spat. Jy moet dan nog koets vir die kos wat oral vlieg terwyl jy die swak houding ervaar.
Laat hulle maar hul swak en duur winkels toemaak. Dit skep net die toestande vir entepreneurs om nuwe beter winkels oop te maak en dan die res van Walmart se kliente ook weg te vat.
Presies. Ons kan nie eerste wereld pryse vra in n derde wereld land nie. Tyd dat daar meen innovasie vorendag kom om pryse te verminder sodat die verbruiker weer kan wen.
It is sometime better to say noting.
Hi julle, 1440 gesinne gaan sonder ‘n inkomste sit. dit is tragies. Ek vrees vir die gedagte dat dit met my kan gebeur. Alles is duur en kliente diens kry jy meer nerens nie.
Besoek GAME Bela-Bela as jy van swak diens wil praat. Sukkel nou vir 2 weke om iemand uit te kry vir ‘n yskas wat buite werking is.
Dit verstom my dat soveel briefskrywers hulle verlustig in hierdie nuus.
Nog 1440 werkloses?
Nog minder kompetisie, wat uiteindelik lei tot monopolie?
Hoe kan dit enigsins as goeie nuus beskou word? Dit is ‘n ramp vir ons land.
Ek dink nie mense verlustig hulle in die nuus nie. As jy blatant ‘overcharge’ en dan nog personeel het wat dink hulle doen jou ‘n geweldige guns deur jou te help, dan is dit maar hoe dit is. In die ekonomiese klimaat is elke besigheid veronderstel om soveel as moontlik te doen om kliente te kry en hulle te hou, nie af te sit nie.
Ek het al 2 keer ‘n trollie vol kruideniersware in Checkers gelos oor hulle ongeskikte kassier. Dis nou baie maklik, ek koop net glad nie meer daar nie.
Massmart het klaar ‘n monopolie.
Mense koop al hoe meer elektronika ‘online’. Jy kyk waar jy die beste waarde vir jou geld kan kry en dis waar jy koop. Klientediens is ook ‘n massiewe probleem in die land. Vriendelike personeel is so skaars soos hoendertande. Ek sal nie weer by ‘n winkel ingaan as die personeel ongeskik en onbevoeg is nie. Ek betaal dan eerder ‘n paar rand duurder en ek kry my produkte van iemand met ‘n glimlag op hulle gesigte.