Meer mense ontvang toelae as mense wat werk

informele-nedersetting-JHB-SA

‘n Lugfoto van ‘n informele nedersetting in Johannesburg. Foto: Falco/Pixabay.com

Daar is nou meer mense wat maatskaplike toelaes in Suid-Afrika ontvang as wat daar mense is wat werk.

Dit is een van die bevindinge van die jongste peiling van die Suid-Afrikaanse Instituut vir Rasseverhoudinge (IRR) en volgens die instituut is dit ʼn resep vir chaos en selfs meer gewelddadige protesaksies.

In 2016 was daar 15,545 miljoen mense met ʼn werk in Suid-Afrika, terwyl 17,094 miljoen maatskaplike toelaes ontvang het.

“Hierdie getalle kan tot maatskaplike en politieke chaos lei,” het Gerbrandt van Heerden, ʼn ontleder van dié instituut, gesê.

“Die Suid-Afrikaanse ekonomie is tans in ʼn resessie en die regering gaan dit besonders moeilik vind om die koste van sy welsynsprogramme te dra. Namate die ekonomie stagneer, en die inkomste aan belasting verminder, sal die vraag na toelaes ook toeneem. Die regering sal sy begroting op ander gebiede moet sny om te voldoen aan die eise van hoër toelaes.

“Ons voorspel dat dit sal lei na nog hoër vlakke van gewelddadige protesaksies.”

Die IRR-opname het in 2001 getoon dat daar toe 12,494 miljoen mense gewerk het met net sowat 3,993 miljoen mense wat maatskaplike toelaes ontvang het.

Teen 2016 het die aantal mense wat toelaes ontvang egter met 328% toegeneem terwyl werksgeleenthede met slegs 24% gestyg het.

“Daar is geen twyfel dat die toelaes baie gedoen het om lewenstandaarde in Suid-Afrika te verbeter nie, maar dit is egter ʼn tweesnydende swaard. Die regering se onvermoë om meer en verhoogde toelaes te verskaf sal lewensstandaarde nou laat stagneer of selfs laat agteruitgaan.

“Die armes en werkloses is die mense wat die ergste daardeur geraak sal word en dit kan ʼn nuwe soort ellende vir hulle veroorsaak, wat die desperaatheid in arm gemeenskappe sal verhoog. Die gevolge op sosiale kohesie sal ook vererger namate ongelykheid toeneem,” het Van Heerden bygevoeg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

45 Kommentare

jongste oudste gewildste
T

yip en nou erger as voor alles begin het.

Boland

Seker Jan 1652 se skuld.

Johann

Is dit nie maar prwsies wat die sg”bevrydings” organisasie…skuus…terroris anargistiese ANC wou en wil doen nie? Als en almal afbreek tot in absolute chaos. Die “nuwe” elite wat deur magsvergrype aan bewind kom en bly en die massas manipileer met leë beloftes en dan geweld dadige onderdrukking. Of is dit absolute dom astrantheid wat iemand soos Zuma en sy Zumaikies eenvoudig nie verstaan of glo nie?

amvi

Staak toelae, gee voorbehoedmiddels.

dr Sakkie van der Merwe

Ons het in ‘n welsynstaat ontaard en die probleem is dat sou iemand 3 kinders in die lewe bring dan onderhou sy haarself, haar kinders en wie ookal op die toelae. Ons sien dit in die Wes-Kaap waar “kinders” swanger raak en weer en weer om sodoende meer geld te ontvang. Dit is ‘n bose kringloop.