Meisie (6) voor laerskool ontvoer

Amy-Leigh de Jager (6). (Foto: Facebook)

ʼn Grootskaalse soektog is van stapel gestuur nadat ʼn sesjarige leerling van die Laerskool Kollegepark in Vanderbijlpark vanoggend ontvoer is.

Amy-Leigh de Jager, ʼn graad R-leerder by die skool, is steeds spoorloos nadat sy glo deur vier mans voor die skool gegryp en ontvoer is. Die ontvoerders het in ‘n wit Fortuner weggejaag.

Besonderhede oor die voorval is in dié stadium nog vaag. Die skool het ook ʼn plasing op sy Facebook-blad gemaak en mense gevra om na Amy-Leigh te help soek. Die skool kon nie onmiddellik vir kommentaar bereik word nie.

Boodskappe oor Amy-Leigh se verdwyning is wyd op sosiale media versprei en mense is gevra om op die uitkyk te wees vir die Toyota Fortuner.

Amy-Leigh het volgens beskikbare inligting ʼn pienk rok, wit hemp en swart kouse aan.

Die polisie het bevestig dat ʼn soektog na Amy-Leigh van stapel gestuur is. Meer inligting sal vrygestel word sodra dit beskikbaar is.

** Die berig is aangepas sedert dit oorspronklik gepubliseer is. RED

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

93 Kommentare

jongste oudste gewildste
Mark

Here bewaar hierdie dogtertjie en gee asb dat sy veilig gevind sal word. Stel U engele aangaande haar in bevel, ons vra dit in Jesus Christus Naam. Amen.

Deloris

Dis so pragtige KIND, Heer laat U haar veilig hou en veilig terug bring. Sy is een van U se Engel…. Hou haar veilig ons bid dit in Jesus se naam Amen

Werner

Baie dankie dat julle die berig so vinnig reggestel het. Ek weet amper almal in die land bid saam dat Amy-Lee veilig gevind word.

Belinda

Die Fortuner is nie die Ma se voertuig nie! Die dogtertjie is uit haar Ma se voertuig geruk en in die Fortuner gegooi

Michael P

O Genade ek het n hol kol op my maag oor hierdie een Onse Liewe Vader hou u hand oor die kindtjie ASB. Ons sit hier met geweetenlose monsters hier.