Hoofsupt. Wayne Minnaar, woordvoerder van die metropolisie, sê die beampte het die vrou omstreeks 3:00 Saterdagoggend voorgekeer en vasgestel dat sy onder die invloed van alkohol was.
“Hy het vir haar instruksie gegee om kontant by ‘n OTM te onttrek. Sy het R90 getrek en toe by die Douglasdale-polisiestasie gaan kla. Beamptes van die polisiestasie het die kontant afgeneem en op ‘n afstand gekyk hoe sy dit aan die beampte oorhandig.”
Minnaar sê die 43-jarige beampte is onmiddellik in hegtenis geneem. Hy sal na verwagting Maandag in die Randburg-landdroshof verskyn op aanklag van korrupsie.
Die metropolisie het ook ‘n interne ondersoek van stapel gestuur.
Minnaar sê motoriste moet die metropolisie se blitslyn skakel indien beamptes omkoopgeld van hulle eis wanneer hulle van die pad afgetrek word.