Misdaadstatistiek: 800 meer moorde as verlede jaar

SAPS+police+crime+tape+xgold+2012Die aantal moorde in Suid-Afrika het die afgelope finansiële jaar met 800 gestyg, het Riah Phiyega, nasionale polisiekommissaris, Vrydag aangekondig.

Phiyega het gesê 17 068 mense is in die 2013/2014-boekjaar vermoor in vergelyking met die 16 259 moorde in die vorige finansiële jaar.

Volgens Phiyega het trio-misdade (motorkapings, huisrooftogte en sakerooftogte) met 10,8% toegeneem. Motorkapings het met 12,3% toegeneem; vragmotorkapings het met 12,1% toegeneem; sakerooftogte het met 13,7% toegeneem; en huisrooftogte het met 7,4% toegeneem. Trio-misdade het die afgelope 10 jaar met 95,35% toegeneem en met 4% oor die afgelope vyf jaar.

Bankrooftogte het egter die afgelope vyf jaar met 77,4% afgeneem. Dit het egter van sewe voorvalle in 2012/2013 tot 21 voorvalle in 2013/2014 toegeneem. Dit is ʼn toename van 200%. Daar was die afgelope jaar 11 bankrooftogte in Gauteng, vyf in die Oos-Kaap, drie in die Vrystaat en twee in KwaZulu-Natal. Transitorooftogte het onveranderd gebly met 145 voorvalle in 2012/2013 en 2013/2014.

Dwelmverwante-misdade het met 21,6% toegeneem in die 2013/2014-boejaar. Dié misdade het oor die afgelope 10 jaar met 210,4% toegeneem. Bestuur onder die invloed van alkohol en dwelms het met 1,8% afgeneem die afgelope jaar en met 133,1% die afgelope 10 jaar.

Lees ook:
Misdaadstatistiek: Moorde het toegeneem

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

alet ·

Wat gaan die korupte regering daar aan doen gaan. Dit vermeerder of vir 3dubbeld

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.