MK-veterane boos oor korrupsie in ANC

Carl Niehaus.
(Foto: Karen Sandison/African News Agency)

Militêre veterane wat deel was van die anti-apartheidstryd het die ANC gekap oor plundering en korrupsie wat klaarblyklik die toekenning van Covid-19-fondse -en kontrakte gekenmerk het. Sommige lede van die ANC-regering word by dié beweerde misdade betrek. Self die ANC se sekretaris-generaal, Ace Magashule, se seuns word daarvan beskuldig dat hulle onbehoorlik voordeel getrek het uit kontrakte vir Covid-19-toersuting in die Vrystaat.

In ʼn sterk bewoorde verklaring wat deur Umkhonto we Sizwe (MK) se vereniging vir militêre veterane (MKMVA) uitgereik is, sê lede enige ANC-lid wat skuldig bevind word aan wandade behoort “genadeloos ontbloot en uitgedryf te word”. MK was die ANC se militêre vleuel gedurende die stryd teen apartheid.

“Niks is meer bedorwe as om te steel van die armes, haweloses en dié wat honger ly; om jouself ten koste van hulle te verryk nie,” sê Carl Niehaus, woordvoerder van die MKMVA.

“Die betrokkenheid van sogenaamde ANC-kamerade in hierdie plundering is ʼn groot verleentheid, boos en teenstrydig met alles waarvoor die ANC behoort te staan.”

Die ANC het self Dinsdag gesê dat hy “sy kop in skaamte laat hang” en kan verstaan dat die gemeenskap boos is oor harteloosheid wat vertoon word deur sommige elemente binne die regering, die ANC en die private sektor.

Niehaus sê egter die tyd om doekies om te draai is verby en dat die enigste geregverdigde optrede in dié situasie is dat die MK-veterane met woede reageer en hul ontevredenheid hard en duidelik te kenne te gee. “Ons veterane het nie ons lewens op die spel geplaas tydens die stryd om demokrasie vir ʼn samelewing waarin korrupsie floreer en kos letterlik uit die monde van die armstes gevat word nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Wilhelm

So asof die ANC korrupsie iets nuut is. Die MK-mannetjies is klein bietjie laat om lawaai te begin maak.

Trotse Boervrou

Niemand stel in Carl Niehaus of sy mening belang nie.

koos10

Carl Niehaus, jy wat vir Zuma tot nou toe nog ondersteun???
Span jy jou seile beitjie na die wind?

Fedup

Shame, what a nasty “surprise”

Mauritz

Die MK se keuse van ‘n woordvoerder veroorsaak ongelukkig dat hulle hele storie plat val.