Seabata Kholoane (40), die Lesotho-burger wat van die moord op Marietha Willemse (79) by die spoglandgoed Pinnacle Point in Mosselbaai aangekla word, sal eers vroeg volgende jaar aansoek om borgtog kan doen en minstens tot dan in aanhouding bly.
Sers. Christopher Spies, polisiewoordvoerder, het bevestig dat die saak tot 4 Januarie uitgestel is.
Die saak sal dan weer in die Mosselbaai-landdroshof voorkom, waar Kholoane Maandag op aanklagte van moord, huisbraak en diefstal verskyn het.
Maroela Media het vroeër berig dat Kholoane verlede week op Wepener in die Vrystaat in hegtenis geneem is. Dit is ses maande nadat Willemse grusaam in haar dogter, Mia Heuer, se huis vermoor is.
Willemse se eggenoot van die afgelope 55 jaar, Johannes, het tydens die aanval op 4 Junie verskeie steekwonde opgedoen en het ná die aanval hospitaalbehandeling ontvang. Die 86-jarige wewenaar ly aan Alzheimer se siekte en demensie.
Die egpaar se huis is reg langs hul dogter se huis op die landgoed geleë en hulle het ʼn ogie langsaan gehou. Heuer was ten tyde van die voorval op haar wittebrood.
So ver sê ek dankie aan die gereg dat die man nie op borgtog vry gelaat is nie.
Dis mo0s belaglik dat hy , die gearresteerde , gaan aansoek doen om parool. Dan verdwyn hy mos dadelik as dit toegestaan word.
Wat van aanranding met die doel om te moor?
Nee ek is bly hy nog agter tralies hou hom daar ons kan ook maar seker op kom vir ons mense soos hulle vir hulle mense op kom
“Agter tralies” is vir party n eer en word gedoen met graagte.
Borg???? Ek hoor seker nie reg nie??