MTN wil nou ook inenting verplig

(Argieffoto)

MTN sal vanaf Januarie sy personeel verplig om teen Covid-19 ingeënt te word.

Werknemers wat die inenting weier en geen geldige rede kan verskaf om van die nuwe inentingsbeleid vrygespreek te word nie, sal afgedank word.

“Die wetenskap is duidelik,” meen Ralph Mupita, uitvoerende hoof van MTN.

“Inenting teen Covid-19 verminder die aantal ernstige infeksies, hospitaalopnames en sterftes. Ons het as werkgewer ʼn verantwoordelikheid om te verseker dat ons werkplekke gelei word deur die hoogste standaarde van gesondheid en veiligheid, en dit het ons besluit gedryf om Covid-19-inenting verpligtend vir ons personeel te maak.”

Die selfoondiensverskaffer se nuwe Covid-19-beleid erken wel werknemers se reg om aansoek te doen om op grond van sekere duidelik omskrewe beweegredes vrygestel te word van die beleid.

Die maatskappy besef ook dat sekere van sy markte nie voldoende toegang tot entstowwe het nie en dat sommige personeel in sogenaamde laerisikorolle betrek sal moet word. Dit kan heeltydse werk van die huis af of ander alternatiewe reëlings insluit.

“Maar dit sal ʼn klein groep binne ons arbeidsmag wees,” het Mupita Maandag gesê.

Mupita het ook van die geleentheid gebruik gemaak om hom uit te laat oor die onlangse reisverbod wat weens die nuwe Omikron-variant teen onder meer Suid-Afrika ingestel is.

Mupita meen die reisverbod “is nie op wetenskap gegrond nie, onregverdig en dra by tot die gebrek aan ondersteuning vir Afrika wat broodnodig is vir ʼn doeltreffende wêreldwye reaksie op die pandemie”.

“Afrikalande word gestraf vir die einste deursigtigheid wat eintlik nodig is om die uitwerking ​​van die Covid-19-virus op lewens en lewensbestaan suksesvol te bekamp.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

62 Kommentare

jongste oudste gewildste
Renier johannes

Geen mediese in enting mag op jou af gedwing word nie

Julius

MTN gaan baie werkers verloor omdat die enstof die doel nie bereik nie en nie bewysbaar is nie. Druk die werkloosheid op en op en op.

VaalDonkie

Hulle kan nie eers na drie weke vir my se waar my nuwe “upgrade” foon is nie, maar hulle wil mense teen hul wil inent. Lekker man

Nicolaas Hendrik

Boikot hulle

bobmartin

Die werkloosheid syfer styg so hoog en vinnig, dat dit maak in elke geval nie saak aan die inent verpligtinge wat so geswaai word voor almal. Wat moet n arm werklose persoon doen met inenting? Hy gaan meer bekommerd wees oor kos en water met blyplek as inenting. Die inenting “pasboek” gaan net groter probleme veroorsaak.