Nog aanklagte kom dalk ná parlement brand

Zandile Christmas Mafe Dinsdag in die hof. (Foto: RODGER BOSCH / AFP)

Die saak teen die man wat Sondag in hegtenis geneem is vir sy beweerde betrokkenheid by die verwoestende brand wat by die parlementsgebou in Kaapstad ontstaan het, is met ’n week uitgestel.

Zandile Christmas Mafe (49) het Dinsdagoggend vir die eerste keer in die landdroshof in Kaapstad verskyn nadat hy Sondag by die brandende gebou, glo in die besit van vermoedelike gesteelde eiendom, in hegtenis geneem is.

Mafe staan tans tereg op een aanklag van huisbraak met die doel om te steel, twee aanklagte van brandstigting, die besit van ʼn ploftoestel en die vernietiging van noodsaaklike infrastruktuur.

Hy ontken skuld en alle betrokkenheid by die voorval.

Zandile Christmas Mafe Dinsdag in die hof. (Foto: RODGER BOSCH / AFP)

Luvuyo Godla, Mafe se regsverteenwoordiger, het buite die hof aan verslaggewers gesê deur ʼn persoon ná inhegtenisneming naby ’n misdaadtoneel te plaas, beteken nie noodwendig die persoon het die misdaad gepleeg nie.

Eric Ntabazalila, woordvoerder van die Nasionale Vervolgingsgesag (NVG) in die Wes-Kaap, sê nog aanklagte sal waarskynlik teen Mafe gevoeg word soos die ondersoek na die brand voortduur.

Mafe verskyn weer op 11 Januarie in die hof.

Die staat het versoek dat die saak vir sewe dae uitgestel word sodat inligting wat benodig word vir die borgtogaansoek nagegaan en bevestig kan word. Die staat sal borgtog teenstaan.

Die staat benodig ook tyd om die skedule van die oortreding waarvolgens die beskuldigde aangekla sal word te bepaal. Die staat is van voorneme om Mafe van ’n skedule 5-misdryf aan te kla terwyl die verdediging volhou dat dit as ’n skedule 1-misdryf geklassifiseer moet word.

“Die uitstel sal ook die ondersoekbeampte die geleentheid bied om die misdaadtoneel te besoek om die omvang van die skade te bepaal”, sê Ntabazalila.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

30 Kommentare

jongste oudste gewildste
Juffrou

Hy gaan nou weer vir waarneming gestuur word. Óf is hy net baie kwaad? Ek dog hy’s haweloos? Maar tog ń regsverteenwoordiger? Wat die belastingbetaler weer moet betaal! Absurde spul.

annie

Hopelik is die man se bloed getoets vir doofmiddels sou hy geplant gewees het. Iets ruik na rot… Die aangeklaagde lyk dalk na moeiliheid maar ‘n mens se instink sê die storie het meer om die lyf. Hoeveel dinge gebeur toevallig saam? As iets te goed is om waar te wees, is dit gewoonlik.

Jan

Wat ‘n grap. Hulle het duidelik die eerste boemelaar in die omgewing gearresteer, net om te Jan sê hulle het ‘n arrestasie gemaak. Daar sal niks van die gekkespul kom nie, behalwe dat die ou vir ‘n paar dae “famous” is en gratis verblyf en kos kry.

Johanncb

As daar beeldmateriaal van die daad self beskikbaar is, behoort die regte verdagte vasgetrek te word.

Kokerboom

Die regende regime vul my met minagting!