Daar was Maandagoggend ‘n gewapende rooftog in die Centurion-winkelsentrum (Foto: Yusuf Abramjee, Twitter)
Nog twee verdagtes is Woensdag in hegtenis geneem in verband met ’n gewapende rooftog wat Maandagoggend by ’n juwelierswinkel in die Centurion-winkelsentrum plaasgevind het. Twee verdagtes is Maandagaand reeds in dié verband vasgetrek.
Die polisie is op soek na nog twee verdagtes.
Die juwelierswinkel se 55-jarige eienaar is tydens die rooftog in die maag geskiet en het op die toneel aan sy wonde beswyk. Een van die personeellede van die winkel is ook beseer toe sy die rowers wou keer om te vlug.
Volgens kol. Dimakatso Sello, polisiewoordvoerder, is twee verdagtes, onderskeidelik 36 en 42 jaar oud, Woensdagaand in Aeroton, Johannesburg, aangekeer.
“Die twee was in besit van twee vuurwapens en ʼn motor. Die motor was glo tydens die rooftog gebruik,” bevestig Sello.
Die verdagtes sal na verwagting eersdaags in die hof verskyn op aanklagte van sakeroof en moord.
Sal graag wil weet wat hierdie moordenaars se vonnis gaan wees want in SA is vonnis vir moord verseker nie op standaard nie en dan hoef jy net een of ander siektetoestand voor te gee en jy word vrygelaat of kry opgeskorte vonnis. Wat ‘n sirkus. Weet nie hoe dit gaan stop nie…..
Die 1 was reeds uit op borg vir gewapende roof of iets. So ek hoop nie hulle kry borg nie
Hoop julle sit lank in die tronk – Dink kan wegkom met als in die land. CRIME DON’T PAY
It don’t, but it does.
Om te arresteer is stap nommer een.
Om verhoor te word is stap twee
Om skuldig bevind te word stap drie
Om gevonis te word is stap vier
So Dankbaar daar is arestasies !!
Nou wag ons vir die verhoor en skuldig bevinding…..
Tyd sal leer !!