Leon Basson, parlementslid van Brits, is die DA se nuwe leier in Noordwes.
Basson is die naweek eenparig op die party se virtuele provinsiale kongres vir ʼn termyn van drie jaar tot leier verkies as opvolger vir Joe McGluwa, wat nie herkiesbaar was nie.
Noordwes is tans die provinsie waarin die DA die meeste sukkel. Die party het trouens sedert verlede jaar se algemene verkiesing elke munisipale tussenverkiesing waaraan hy in Noordwes deelgeneem het verloor.
Sedert verlede jaar het die party twee wyke in Potchefstroom, een in Stilfontein en een in Schweizer-Reneke afgestaan aan die Vryheidsfront Plus en een by die Hartbeespoortdam aan die ANC.
Basson het dus ʼn taai taak op hande.
Die kongres het adv. Freddy Sonakile, DA-hoofsweep in die provinsiale wetgewer, tot provinsiale onderleier, en die Rustenburgse stadsraadslid Luan Snyders as DA-voorsitter in Noordwes.
Die drie provinsiale ondervoorsitters is Don van Zyl van Leeudoringstad wat ʼn stadsraadslid is in die Maquassi Hills-munisipaliteit, gesetel in Wolmaransstad, en twee stadsraadslede van die Madibang-munisipaliteit in Brits, naamlik Nkateko Mabunda en Erna Rossouw.
Vreemde keuse. Die DA het dan ‘n paar jaar gelede VIR regstellende aksie en BEE gestem. Dié man se ras pla my nie, maar is daar regtig geen swart DA lid vir die leiersrol in Noordwes nie? Die DA is tog ‘n veelrassige party.
Hi Jaco weet jy wat ek die laaste ruk opgemerk het is, dat sodra jy ‘n kleur vermeld jou hart nie lekker is nie. Dit moet uitnemendheid wees wat ons nastreef. Nie wit,swart, griek, jood of wat ookal nie maar wie kan en gaan die wa deur die drif trek.
Los die man se kleur die regerende party is veels te korrup en skelm,doel is om hulle te verwyder.
Baie geluk!
Ondersteun DA nog steeds BEE
Jaco… jy sè die man se Ras pla jou nie maar vra dan vir ‘n Swart Leier??
Hoe gaan die DA andersins meer swart steun kry?
Stem gerus… Stem Vryheids Front +!
DA tans sterkste opposisie,sê maar net.
ANC is die sterkste. Se maar net