Nuwe OG amptelik aangewys

Pres. Cyril Ramaphosa het Tsakani Maluleke amptelik as die nuwe OG aangewys. (Foto: AGSA)

Pres. Cyril Ramaphosa het Tsakani Maluleke amptelik as die nuwe ouditeur-generaal (OG) aangewys.

Maluleke volg in die voetspore van Kimi Makwetu wat vroeër vandeesmaand weens kanker dood is. Hy sou later vanjaar aftree en is as een van die land se mees gerespekteerde staatsamptenare bestempel.

Maluleke is sedert 2014 die adjunk-OG en het meer as 20 jaar ondervinding in die private en openbare sektor.

Ramaphosa het Maluleke gelukgewens met die aanstelling en haar sterkte toegewens in haar nuwe rol by ʼn instelling wat aanspreeklikheid onder staatsdepartemente moet bevorder en bydra tot die bou van ʼn etiese en vaardige staat.

Maluleke is die eerste vrou wat dié pos in Suid-Afrika beklee.

Die OG se termyn strek oor sewe jaar en kan nie daarna weer hernieu word nie.

Sy neem op 1 Desember amptelik die leisels oor.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

7 Kommentare

jongste oudste gewildste
Stefaan

Mooi. So sy is seker bekwaam vir die pos.

Kokerboom

Hoop sy kan Mnr Makwetu se skoene volstaan? Gee haar ‘n regverdige kans

Casper

Welkom in die middle van die kriminele.Ek wens haar voorspoed toe en mag sy net so hardwerkend en ywerig wees soos Groot Kimi was.Sy het groot skoene on vol te staan.

Die Wolf

Behoort maklik in te pas. Was sy adjunk.

Dup

Sterkte en alles van die beste.