OB: ‘Dís hoekom ek nie by vergadering was’

Busisiwe Mkhwebane, openbare beskermer (Foto: ANA)

Busisiwe Mkhwebane, die openbare beskermer (OB), het Woensdag nadat sy versuim het om op te daag vir ʼn vergadering met die parlement se portefeuljekomitee vir justisie redes vir haar afwesigheid verskaf.

Oupa Segalwe, waarnemende woordvoerder vir die OB, het gesê die uitnodiging vir die vergadering is op 1 Junie 2018 ontvang.

“Ten spyte van die kort kennisgewing was sy van plan om die vergadering by te woon en het sy reisreëlings getref.”

Segalwe het gesê sy moes as gevolg van “’n onvoorsiene familiekrisis” die vergadering kanselleer en het die komitee om verskoning gevra. “Die verskoning is Dinsdagmiddag gestuur. Sy wil asseblief aandui dat hierdie die eerste keer is dat sy ’n komiteevergadering misloop.”

Segalwe het verder aangevoer dat Mkhwebane van mening was dat die besprekingspunte op die agenda haar persoonlike teenwoordigheid vereis en sy wou gevolglik nie ’n afgevaardigde namens haar stuur nie. “Daarom het sy nederig gevra dat die voorsitter 21 Junie of 5 Julie as moontlike datums oorweeg.”

Maroela Media het vroeër berig Mkhwebane sal volgende week voor die parlement se portefeuljekomitee vir justisie gedaag word voordat LP’s sal besluit of ʼn ondersoek van stapel gestuur gaan word na haar bevoegdheid om haar amp te beklee.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Dries

Haar “familiekrisis” was seker by Nkandla gewees .

Colleen

Die hele land is in ‘n krisis. Wens sy wil daaroor begin omgee en stappe neem.

John

… niemand, maar niemand order my nie… ek is selfs verhewe bo die reserwebank en as my haarkapper se more, dan moet ek luister. En dan is daar boetie se tekkies was te lelik is vir vanaand se opskop… Nee, hier op Mars doen ons dinge hoeka anders en met Kubai as volgende vakansie-bestemming moet ek ook nog by die mall uitkom vir ‘n paar nommertjies en…

Han

As ek net wegbly, sal die probleem mos verdwyn. Daar bestaan ‘n algemene neiging om doodeenvoudig net weg te bly van belangrike vergaderings met flou verskonings.

snoefie

zuma sal seker weer 21 junie of 5 julie aan bewind wees, dan kan sy haar bonus kry.