Die geskorste Openbare Beskermer, adv. Busisiwe Mkhwebane. (Foto: Twitter)
Die parlement se artikel 194-komitee, wat belas is met die proses oor adv. Busisiwe Mkhwebane se moontlike verwydering as Openbare Beskermer (OB), het sy verhoor uitgestel oor Mkhwebane se gebrek aan regsverteenwoordiging.
Mkhwebane het versoek dat die verhoor uitgestel word sodat sy regsverteenwoordiging kan bekom. Die komitee was veronderstel om sy verhore Maandag te hervat ná die tydelike uitstel van sy werk weens die OB se kantoor wat aangedui het dat hy nie in ʼn posisie sou wees om die koste van adv. Mkhwebane se regspan ná 31 Maart 2023 te finansier nie.
Lede van die komitee het gesê dit sal onregverdig wees om voort te gaan met die verhore sonder regsverteenwoordiging vir adv. Mkhwebane. Die komitee het gehoor die OB se kantoor het sedertdien ʼn verdere R4 miljoen beskikbaar gestel om die proses af te handel.
Qubudile Dyantyi, voorsitter van die komitee, het gesê die komitee sal volgende Maandag werksaamhede hervat, wat vir adv. Mkhwebane tyd gee om enige kwessies rakende haar regsverteenwoordiging uit te sorteer.
“Die ondersoek gaan voort. Ons gaan nie weer ʼn gesprek voer oor regsverteenwoordiging nie. Ons hervat die proses volgende week Maandag met die vorige of nuwe regsverteenwoordiging.”
Daar is vroeër berig Mkhwebane se regskoste bring nou die finansiële volhoubaarheid van die kantoor van die OB – wat reeds ʼn uiters beperkte begroting het – in die gedrang.
Die kantoor van die OB het in die afgelope ses jaar sowat R147 miljoen aan regskoste bestee.
Die komitee is op 16 Maart 2021 gestig om ʼn grondwetlike ondersoek te doen na die OB se geskiktheid om haar amp te beklee en sal na verwagting teen einde Mei sy werk afhandel.
Ek kan net lag word daar ooit sake afgehandel in die land?
Geld wat tot nut gewees het by Eskom, byvoorbrrld maar word soos alles in ‘n bodemlose put gegooi!!!!!
Hierdie is ‘n absolute skande!!R147miljoen!!! Dis waaragtig verregaande! Dis misbruik van belastingbetalersgeld!! Dis blatante diefstal!! WAT gaan hieromtrent gedoen word??? HOEKOM is die posisie so “entrenched!” HOE regverdig die President sulke blatante verspilling?!!!!!!MM hou ons ASB op hoogte!
Haar kontrak eindig iewers die jaar. Daar is nie meer geld vir haar regspan na 31 Maart nie. Nuwe regspan wat uit die aard van die saak eers op hoogte van die moet kom. Die artikel 194 komitee se verskoning dat dit onregverdig teenoor is om voort te gaan is om van naar te word. Nog miljoene, en AS die saak gereed is om voort te gaan is haar kontrak verby en tree sy af/ uit met volle voordele en die
” nuwe” regspan stsp weg met miljoene.
En dan het sy die vermetelheid om op nasionale TV haar motivering en “demands” te deel. Mpofu het lekker gebank. Sy tjekrekeing loop oor en hy lag te lekker
Uitsteltegniek, wanneer gaan die siek vertoning intree?
Net hierdie verhoor na haar geskiktheid kos die belastingbetaler al 30 miljoen rand. Geld wat gebruik kon word om staatskapers te vervolg. Hierdie vrou maak n grap van die NVG.
En die grap vd jaar is, is dat hierdie kader kreatuur minder as 10c werd is.
Moet nog net uithou en uitstel tot October dan kry sy al haar voordele.