Onlus-aanhitsers: ‘Ons is op hul spoor’

Pres. Cyril Ramaphosa tydens sy besoek aan dele van KwaZulu-Natal vroeër vandag. (Foto: GCIS)

Pres. Cyril Ramaphosa, wat Vrydag ʼn oorsigbesoek aan KwaZulu-Natal gebring het ná dae lange geweld en plundering wat ook na Gauteng oorgespoel het, sê dit is “baie duidelik dat die voorvalle van oproer en plundery aangehits is”.

“Daar is aanhitsers, mense wat dit beplan en gekoördineer het en ons intelligensiedienste en polisie het nou ʼn duideliker prentjie van wat hier aan die gang was,” sê Ramaphosa.

“Ons is op hulle spoor. Ons sit hulle agterna en ons het ʼn hele aantal van hulle geïdentifiseer.”

Ramaphosa sê daar sal nie toegelaat word dat anargie en chaos in die land ontvou nie en dat dit ongelukkig is dat soveel skade reeds aangerig is.

Volgens die president is 95 mense net in KwaZulu-Natal weens die oproer dood. Talle ander mense het hul werk of inkomste verloor. Hy sê ook groot skade is aangerig aan Suid-Afrika se beeld as beleggingsbestemming; nie net vir plaaslike beleggers nie, maar ook vir dié in die buiteland.

Ramaphosa hou vol die land se veiligheidsmagte het gedoen wat hulle kon onder die omstandighede en sê die grootste doelwit was om lewens te beskerm. Hy sê die regering wou ʼn situasie vermy wat tot selfs groter chaos kon gelei het.

“Ja, ons kon beter gedoen het, maar ons is oorweldig deur die situasie,” sê Ramaphosa.

“Ons moet alles heroorweeg wat ons doen ter verdediging van ons mense en die land se bates.”

Miljarde rande se skade is na raming aangerig en meer as 1 200 mense is in verband met die oproer in Gauteng en KwaZulu-Natal in hegtenis geneem.

Ramaphosa het opdrag gegee dat 25 000 soldate ontplooi word om die polisie te help om die situasie in bedwang te hou, maar het vandag ook gewone burgers se bydraes om die oproer en stropery te help stuit, geloof.

“Hulle staan nou op, nie net om hul eie bates te beskerm nie, maar ook die demokrasie. Hulle sien dit is ʼn aanval op ons demokrasie. Hulle besef daar is baie op die spel.

“Die aanhitsers wil onbestendigheid veroorsaak, maar ons weet nie wat hulle werklike bedoelings in sy geheel is nie.”

Ramaphosa sê almal van geloofsgroepe, tot sakelui en gewone mense werk saam om die land te help opruim.

“Dit wys dat die bedoelings van die aanhitsers misluk. Mense staan op om al ons mense en ons demokrasie te verdedig.”

Ramaphosa sê daar was aanvanklik bewerings dat op ʼn rassegrondslag gemobiliseer is, maar dat dit nie die geval was nie.

Lees die naweek op Maroela Media meer oor beweerde duistere magte wat agter die onluste sit.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

32 Kommentare

jongste oudste gewildste
Persheks Adri

Julle weet julle moet by Karel kat begin ne? Die land is klaar in sy donkie in gebrand en gebreek deur jou mense Cyril! Wat is jou plan?

Jan Seerot

Jy beveg vuur met vuur. Hoe moeilik is dit nou? My goeiste!
Praat en praat soos met ‘n stout kind? Waar het dit nou al gewerk?

Kokerboom

Opruim mnr Ramaphosa….as jou onbevoegde ministers hul werk gedoen het en jul intelligensie opset funksioneel was/is sou skade in eerste plek nie plaasgevind het. Dis ‘n diep skande en hy vra nie eers om verskoning vir sy boewe kaders

Michael

Die aanhitsers is deel van die ANC, Zuma in die 1. plek. Voordat hy tronk toe is het hy vir sy mense aangehits . So jy hoef nie sover te gaan nie. Die hoof aanhitsers sit saam met jou an die tafel. Selfs jy is `n aanhitser. Die rykdom van jou laat die mense op die straat laat dink.

Johann

So ter wille van JOU en jou binnekring kaders TEN KOSTE VAN MILJARDE RANDE en onherstelbare skade…laat jy die ongeskoolde massas en SKATRYK SKEPPERS verwoes en leegdra?
In your face….RUGRAATLOSE “leier”!!!!!!!!!!