Oscar woon oupa (101) se gedenkdiens by

Oscar Pistorius. Foto: Werner Beukes/SAPA

Die departement van korrektiewe dienste sê die gewese Paralimpiese atleet Oscar Pistorius is deernisverlof gegee om sy oupa se begrafnis Dinsdag by te woon.

“Die versoek is in ooreenstemming met die departementele beleid oor geriewe en gevangenes verwerk, waar deernisverlof toegestaan kan word om begrafnisse of ernstige siektegevalle by te woon waar verwag word die persoon kan sterf,” het Singabakho Nxumalo, woordvoerder van korrektiewe dienste, gesê.

“Hierdie deernisverlof word net toegestaan wanneer dit betrekking het op ʼn naby familielid: ʼn pa, ma, kinders, huweliksmaat, broer, suster, oupa of ouma.

Nxumalo het gesê Pistorius is na die gedenkdiens vergesel en het intussen na die gevangenis teruggekeer. Die wêreldbekende atleet, wat skuldig bevind is aan die moord op sy meisie, Reeva Steenkamp, op Valentynsdag 2013, dien sy gevangenisstraf in Atteridgeville in die weste van Pretoria uit.

Die nuus dat sy 101-jarige oupa, Hendrik Pistorius, op 19 Oktober oorlede is, het Pistorius luidens berigte sleg getref.

Hy is 13 jaar tronkstraf opgelê en sal na verwagting in 2023 vir parool in aanmerking kom.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

72 Kommentare

jongste oudste gewildste
Alida

Baie dankie aan Korrektiewe dienste.

Boertjie

Dit het hom swaar getref dat sy oupa oorlede is, nou het ek als gehoor wat van Reeva se gesin!!!! Hulle moet sleutels van die sel deur weg gooi.

Verné

Hy HET MOORD GEPLEEG. My broer HET bride SY ouers VERLOOR…toestemming is albei kere geweier. “Skoon” rekord in gevangenis. Gewone gevangenis,nie hoë risiko nie meer as helfte van sy straf uitgedien. Geen rede waarom hy kon geweier word nie MAAR HY IS HOEKOM!? OMDAT HY ‘n onbekende gevangenis was…dubel standaarde! JY HET NIE VOORDELE AS JY SKULD BEBIND IS EN JOU STRAF MOET UITDIEN NIE !!!!

Amber

Alida, ek stem heelhartig met jou saam.

Elsa

101 jaar oud. Hy was baie geseënde om so n hoë ouderdom bereik het. Kan my indink hoe baie dinge hy in sy lewe beleef het. Rus in vrede, Oupa.