Overvaal: Betogers oorhandig memorandum

Foto: Ian Cameron.

Sowat 750 tot 1 000 betogers het vanoggend voor Hoërskool Overvaal in Vereeniging saamgedrom.

Maroela Media het vroeër berig dié hoërskool se deure is Donderdag gesluit nadat Angie Motshekga, minister van basiese onderwys, glo toestemming gegee het dat die skool Donderdag gesluit mag wees. Die skool sal Vrydag sy normale bedrywighede hervat.

Ian Cameron, hoof van gemeenskapsveiligheid by AfriForum, het aan Maroela Media gesê daar was Donderdagoggend ʼn sterk polisieteenwoordigheid buite sowel as binne die skool. Verteenwoordigers van AfriForum asook private veiligheidswagte het voor die skool ʼn oog op die situasie gehou.

“Die skool is uiteraard gesluit, so die kinders is nie in gevaar nie. In dié stadium sing en dans die betogers net,” het Cameron gesê.

Hy het gesê ʼn bakkie is wel vol duike geklap, maar dit is onduidelik aan wie die bakkie behoort.

Foto’s en beeldmateriaal van die betoging wat op sosiale media versprei is, het getoon hoe ʼn groot skare betogers naby die skool sing en dans.

Kapt. Mavela Masondo, provinsiale woordvoerder van die polisie, het gesê die situasie buite die skool is baie kalm. “Die betogers het ʼn memorandum aan die hoof van die beheerliggaam en beamptes van die departement van onderwys oorhandig. Die skare is besig om uiteen te gaan,” het Masondo gesê.

Masondo het ook bevestig dat daar sowat ʼn duisend betogers buite die skool was.

Steve Mabona, woordvoerder van die departement van onderwys, het aan Maroela Media gesê die departement verwag dat leerders môre sal terugkeer skool toe.

“Kyk, hulle het nou die memorandum oorhandig en ons sal so gou moontlik reageer daarop  – enigiets wat skoolbedrywighede beïnvloed, sit ons net weer ʼn stap terug.”

Foto: Ian Cameron.

Foto: Ian Cameron.

Foto: Ian Cameron.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

30 Kommentare

jongste oudste gewildste
Hettie

En verder kry hulle al die aandag wat hulle soek

Net in SA

Leeu

Want ons wil ons skole afbrand, en dan na ander skole toe gaan, daai skool tot op nikswerd dwing, en dan weer van skool af skuif.

Nicky

As Overvaal aanvaar afrikaans na Engels in skool, Alles sal skade word, want hulle sal bly moeilikheid inbring, selfde met my ou dowes skool, Hulle is 60 jaar oud Afrikaans skool, Het laas 3 of 4 jaar terug aanvaar Afrikaans skool verander na Engels skool. Vandag hulle klaar skade en konnie klaar bou voltooi nie. nog nooit opf sukkel fund kry om te herstel en sorg. pasop kyk mooi, hulle moet bou nuwe skool en skade daar nuwe skool, nie by History skool nie.

leon

Ek is bevrees ons sien ‘n nuwe fase van protes. ‘n Afrikaanse instelling word direk geteiken. My respek en bewondering vir die skool en sy leiers wat hul voet dwars gesit het en met uiterste beheersing die situasie “bestuur”. Hierdie blatante aanval op minderheidsregte gaan ‘n treep in die sand in die toekoms word.

Ore

Ek wonder altyd oor die betogers.Werk hulle? en as hulle werk het hulle verlof of bly hulle net eenvoudig weg van die werk? Indien hulle werkloos is,word hulle betaal en indien wel hoeveel en deur wie.En dan wonder ek, SA sou n baie produktiewe land gewees het indien hulle ook so energiek by die werk was.