Pa en seun, buurman in huisrooftog vermoor

Nooddiensvoertuie buite die moordtoneel in Arboreteum in Richardsbaai. (Foto: Netcare 911)

ʼn 61-jarige man wat sy bure se noodkrete gehoor en hulle te hulp wou snel, is in Richardsbaai in KwaZulu-Natal doodgeskiet kort nadat sy 42-jarige buurman en dié se 17-jarige seun minute tevore ook in hulle huis vermoor is.

Die vermoorde man se vrou is ernstig gewond.

Shawn Herbst, woordvoerder van Netcare 911, het gesê paramedici het op ʼn noodoproep gereageer by die huis in Forellelaan in Arboretum.

Volgens inligting het ʼn groep van vermoedelik drie mans, glo geklee in swart en met klapmusse op, die gesin omstreeks 00:45 in hulle woonstel oorval.

ʼn Struweling het uitgebreek en die ma is in die been geskiet.

Herbst het gesê die pa en seun is albei geskiet en was reeds dood toe paramedici op die toneel aangekom het.

Die aanvallers het klaarblyklik die lemmetjiesdraad bo-op die grensmuur van die perseel stukkend gesny en oor die muur gespring. Hulle het ná die aanval vermoedelik weer só ontsnap en weggejaag in ʼn voertuig wat naby die perseel geparkeer was.

Snuffelhonde het die spore gevolg tot waar die aanvallers vermoedelik in die voertuig geklim het.

Nóg ʼn seun en ʼn jong dogtertjie in die woonstel, is ongedeerd, het Herbst gesê.

Die aanvallers het glo met ʼn selfoon, handsak en juwele gevlug.

Kol. Thembeka Mbele, polisiewoordvoerder, het gesê die buurman is in die bors geskiet. Hy is ook op die toneel dood.

Niemand is nog in verband met die voorval aangekeer nie. Klagte van moord en poging tot moord word ondersoek, het Mbele gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

41 Kommentare

jongste oudste gewildste
Koos

Ja so word die blankes uit gemoor en niemand doen enige iets nie almal praat net en belowe!!! Gaan mos maar lekker hier in SA. Dit raak nou n sport soort vir hulle moord en roof!!

matie willemse

Genoeg is genoeg, waarom moet ons wag tot dit ons beurt is, kom alamal, begin bom………………..

Dries du Toit

Agge nee. Ek kan nie anders dink dat dit n landswye georganiseerde moorde is op blankes nie. Dit kom ook na die Mandela sage. Here help ons om deur hierdie woestyn te kom

Danie

Vang en elimineer. Die belastingbetaler kan NIE meer betaal vir die boewe om in tronke te sit. Die Staat moet nou sy basiese pligte van opleiding, opvoeding en grensbeheer toepas. Die primere verantwoordelikhede van die Staat moet dringend nagekom word. Ons kan nie meer reaktief optree. Niemand is so doof soos die (Staat) wat nie wil hoor!!

Ek wonder

@Andre, ek lees ook nie dat dit blankes is nie. Neem ons nou maar net aan dat as iemand vermoor word dat dit altyd net blankes is? So saai ons nog verdeeldheid, of hoe?