Pak eie kosblik as jy dié week vlieg, waarsku vakbond

Numsa waarsku passasiers om liefs hul eie kos op vlugte saam te neem. (Foto: pixabay)

Die metaalwerkersvakbond Numsa is op pad arbeidshof toe om die maatskappy Air Chefs te probeer stuit om ʼn stokkie voor hul beoogde staking te steek.

Die maatskappy verskaf onder meer die maaltye wat op vlugte bedien word, asook die verversings in lughawesitkamers en maaltye vir werkers.

Numsa-lede begin Maandag om 06:00 staak. Hul optrede gaan die OR Tambo-, Kaapstad-, en King Shaka-lughawe raak. Rederye wat na verwagting geraak gaan word sluit in die Suid-Afrikaanse Lugdiens, SA Express, SA Airlink, Mango, Air Mauritius, Swiss Airlines, asook alle SAL-ruskamers, kantiens én die SAL-tegniese afdeling se kantien.

“Ons stel voor as jy met dié rederye vlieg, pak jou eie kosblik omdat daar geen kos op die vlugte gaan wees nie,” het Phakamile Hlubi-Majola, Numsa-woordvoerder, gesê.

“Ons lede is keelvol omdat die herdenkingsbonus eensydig deur die bestuur onttrek is. Sedert Januarie vanjaar het geen werker dit nog ontvang nie. Ons lede eis dat dit betaal word omdat dit deel is van hul indiensnemingsvoordele.

“Sedert die maatskappy ʼn stakingskennisgewing ontvang het, het Air Chefs gevra vir ʼn dringende hofbevel om die staking te verhoed.”

Numsa het gesê hy verwerp dié stap met die minagting wat dit verdien.

“Pleks daarvan dat hulle met ons vergader, is hulle haastig hof toe om werkers te probeer stilmaak,” het Hlubi-Majola gesê.

Sy het gesê Numsa gaan alles moontlik doen om werkers se reg om te staak, te beskerm.

Air Chefs het nagenoeg 1 200 werkers.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Koebaai

Hul kos is in elkeval nie so wonderlik nie. Dalk moet hul iets beter beplan wat die kos aanbetref. Daar is soveel mense sonder werk, maar as jy hoor staak een of ander klomp. Wees dankbaar vir wat jy het. Mense van vandag is die meeste ondankbaarste wesens.

Amanda Boshoff

Hoop almal kry dan 50% afslag omdat jy jou eie kos moet vat.

Bernard Hellberg

Air Chefs se “kos” is nie te waffers nie. Waarom alewig wil vreet?

wilma

herdenkingsbonus watse strooi. die wie ni wil werk ni moet waai en by huis gannkrepeer

Pieter

Kom ons maak soos hulle al ons blankes strike vir twee dae