Papiertekort kniehalter lisensiehernuwings by poskantore

Argieffoto

Argieffoto

ʼn Tekort aan skryfbehoeftes by talle poskantore regoor Gauteng veroorsaak dat inwoners onder meer nie hul motorlisensies daar kan hernu nie.

Maroela Media is die afgelope tyd oorval met klagtes van lesers wat by poskantore in Gauteng opdaag net om te hoor dat daar geen papier of ink vir die drukkers is om lisensies te druk nie.

Geert Bataille, hoof van die Suid-Afrikaanse Poskantoor se kleinhandelafdeling, het Donderdag aan Maroela Media gesê die tekort aan skryfbehoeftes by sommige takke in Gauteng behoort “binne weke” opgelos te word.

“Die poskantoor het onlangs ʼn kontantinspuiting van die regering ontvang om die operasionele ommekeer te finansieer,” het Bataille gesê.

Bataille het gesê die uitreiking van voldoende voorraad by al die takke gaan dringend aandag kry. Hy kon egter nie aandui hoe lank dít gaan neem nie.

Maroela Media het verlede week berig die Poskantoor nader banke om ʼn plaaslike leningspakket te onderhandel ter waarde van R3,7 miljard.

Siyabonga Cwele, minister van telekommunikasie en posdienste, het toe gesê die Poskantoor benodig dié bedrag om sy bedrywighede te stabiliseer. Die regering sal ʼn waarborg aan die banke bied.

“Die Poskantoor se finansiële stabiliteit bly ons hoogste prioriteit,” het Cwele in sy begrotingstoespraak gesê. “Die Poskantoor het vanjaar ʼn R650 miljoen-kontantinspuiting ontvang. Dit lyk miskien soos ʼn druppel in die emmer, aangesien die maatskappy tans ongeveer R3,7 miljard benodig.”

Cwele het gesê hy is vol vertroue dat die uitvoerende hoof, Mark Barnes, die lening sal kan onderhandel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Berhalet Beukes

Ek is sprakeloos…

Sanet jacobs

Uiters swak! was in 1 dag by Gezina / wat jou Mayville toe stuur om net Queenswood toe te ry en steeds sonder n lisensie… geen ink of papier nie!!!!

Vra net

Hoekom kan die regering nie die fondse verskaf nie?…….O ja, ek het vergeet daar is nie, want dis uitgeput agv misbruike

Lance

Strike die papier mense nou ook …die poskantoor is n GROOT joke !!!

Johann

Ek weet: plaas van geld gee om NOG verder te vermors, wat van jy key afslag vir jou eie papier en ink saammvat? Of nog beter; aulke karavaan winkeltjies wat by die lisensie kantore staan. Plaas van fotos…verkoop ek n “pakket”. Papier en ink…O NEEEEE…ek kan nie. Eks WIT… En wit mense kan nie oplossend dink of n besigheis KINTANT bedryf SONDER BtW en belasting implikasies nie….OOOOOOO M….R nous ek rasisties….teen wit mense… Anyway: die staat sal instaan vir waarborge? Waarborge dat die lenings soos met die SAL gewaarborg tot niet sal wees!