Poetin se optrede ’n ‘slag vir wêreldvrede’

’n Brand word geblus in Koshytsastraat in Oekraïne se hoofstad, Kiev. (Foto: AFP)

“Wladimir Poetin se daad van aggressie is ʼn ernstige ondermyning van Oekraïne se soewereiniteit en ’n vernietigende slag vir wêreldvrede.”

Só het die Desmond en Leah Tutu-erfenisstigting Donderdag in reaksie op Rusland se aanval op sy buurland gesê.

Die stigting meen dit is boonop ʼn skending van internasionale reg sowel as menseregte.

Die stigting is een van vele instansies wat opnuut ʼn beroep op ʼn vreedsame oplossing en dialoog tussen die twee lande gedoen het.

Talle mense is reeds dood nadat Rusland Oekraïne Donderdagoggend ingeval het.

“Poetin se optrede herinner aan die kolonialisme en imperialisme van die laaste eeue. Die reg van nasionale selfbeskikking is heilig.

“Weens hierdie optrede sal daar lewensverlies wees terwyl mense se toekoms verpletter en gesinne uitmekaar geskeur word. Ons dring aan op vreedsame dialoog tussen teëstanders en die voorkoming van verwoestende bloedvergieting.”

Die Suid-Afrikaanse departement van internasionale betrekkinge en samewerking (Dirco) het ’n beroep op Rusland gedoen om sy magte onmiddellik uit Oekraïne te onttrek in ooreenstemming met die VN se handves. Dié handves beveel alle lidlande om hul internasionale geskille op vreedsame wyses te besleg sodat internasionale vrede en geregtigheid nie in die gedrang gebring word nie.

’n Beskadigde gebou in Koshytsastraat in Oekraïne se hoofstad, Kiev. (Foto: AFP)

Die DA het intussen gevra dat die ANC sy Brics-lidmaatskap gebruik om Rusland se inval in Oekraïne te veroordeel en onmiddellike onttrekking te versoek. Suid-Afrika is ’n lid van die Brics-groep van lande, wat uit Brasilië, Rusland, Indië, China en Suid-Afrika bestaan.

Die stigting doen verder ʼn beroep op die Suid-Afrikaanse regering om saam met Ghana en Kenia Rusland se oorlogsdaad te veroordeel.

“Dis nie nou die tyd om op die draad te sit nie. Hierdie daad van oorlog en geweld moet ten sterkste veroordeel word.

“Ons doen verder ’n beroep op die Afrika-unie, Brics en alle ander lande om die sterkste moontlike sanksies teen Poetin se regime te oorweeg.”

Aartsbiskop Tutu het op 7 April 2003 oor die kwessie van oorlog, vrede en veiligheid gesê dat ware sekuriteit nie deur die loop van ’n geweer verkry kan word nie. Die stigting het dié stelling Donderdag opnuut beaam.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

31 Kommentare

jongste oudste gewildste
marius

Daar is vrede in die wereld ? Vertel bietjie van die vergrype in hierdie mishoop waar julle heers …

Reynier

Na hulle uitlatings het ek sopas my siening verander…..go Putin go!!!!

Johan

Dit wat Tutu en die anc teen die Afrikaner in SA doen is ook ondermyning van wêreld vrede. Tutu was een van die grootste haters van Arikaners. Sy oë het wel later oopgegaan toe hy die anc gekritiseer het maar toe gaan sy oë weer toe………

knolle

War. The biggest money spinner of them all.

Witbaard

Ai DA, hoekom sal die kaders nou hulle melkkoei of gans wat die goue eiers lê wil slag? Dink aan n ander plan.