Polisie sê oor BBP-beskerming vir Dlamini-Zuma

Nkosazana Dlamini-Zuma (2012) (Foto: SA Government | Flickr)

Die polisie het Vrydag gesê hy neem met kommer kennis van mediaberigte en spekulasie wat betref beskermingsdienste vir die voormalige voorsitter van die Afrika-Unie, dr. Nkosazana Dlamini-Zuma.

“Die SAPD wil graag bevestig dat dr. Dlamini-Zuma steeds beskerming ontvang van die presidensiële beskermingseenheid van die Suid-Afrikaanse Polisiediens,” het genl.maj. Sally de Beer, nasionale woordvoerder van die polisie, gesê. “Dit is ten volle in lyn met hul mandaat en voorskrifte, wat gelei word deur dreigemente en veiligheidsassessering.”

Kragtens die presidensiële beskermingseenheid se mandaat word beskerming verskaf aan die president en adjunkpresident van die Republiek van Suid-Afrika, voormalige presidente, staatshoofde van ander lande en hul eggenote. “Die voorsitter van die Afrika-Unie ontvang sekere voordele deur die departement van internasionale betrekkinge en samewerking met die status van die president. Terwyl sy in daardie kapasiteit gedien het, het dr. Dlamini-Zuma beskerming ontvang volgens dié voorskrif.

“Verdere beskerming word verskaf aan die voormalige AU-voorsitter gebaseer op die uitslag van ʼn veiligheidsassessering en ʼn voortgesette ondersoek wat betref dreigemente teen haar,” het De Beer bygevoeg.

Lt.genl. Khomotso Phahlane, waarnemende nasionale polisiekommissaris, het gesê vir veiligheidsredes sal die SAPD nie enige besonderhede van die veiligheid wat aan Dlamini-Zuma gebied word, bespreek nie, of wat betref die genoemde dreigement of veiligheidsassessering nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

26 Kommentare

jongste oudste gewildste
Johann

Nou wie sal dié goedige antjie wil kwaad aandoen? Buite nou dat sy twak praat en agter Zuma aan prewel oor die wit mense wat nog in beheer van die ekonomie is en ook die kinders in die skole wat teen die ANC opgemaak word, hou sy mos nou géén gevaar vir enige iemand in nie, bly net weg van die presidentsamp.

Johann

Bolla by die lieters! Sy oefen solank aan vergrype via haar status as Zumaikie! Assof sy klaar NUMBA WHONE is! Laat sy knoffel bolle om haar nek dra vir beskerming…welkom op die soustrein tannie Zuma! Daara mos maar altyd plek vir nog ‘n suier aan nog n speen. Afrika Payback vir blinde lojaliteit!

D

Aartjie na sy vaartjie. Waarvoor is hulle bang. Dit is di witmense wat aangeval en gemoor word.

SP

Hulle is bang,baie bang,en dit vir hul eie mense! Aan die eenkant wys dit dat die wiel stadig maar seker besig is om te draai.

Basjan

Aan watter party behoort genl. maj. Sally de Beer? Sal iemand my kan inlig, asb?