Die polisie in Johannesburg soek nog na die vermeende rowers wat glo Dinsdag motoriste op die M1 naby die Crown-wisselaar beroof het.
ʼn Video is vroegoggend wyd op sosialemediaplatforms versprei waarin gesien kan word hoe vyf verdagtes glo ʼn verkeersknoop uitbuit om die bestuurders van stilstaande motors te beroof.
Tesame met die video is ʼn klankgreep ook versprei waarin vertel word hoe die mans met 9 mm-pistole motoriste gedwing het om hul selfone te oorhandig.
Alert to Residents and Commuters:
Confirmed: Armed robberies by illegal miners, M1 North by Crown Interchange. Attackers target motorists, especially on M2 offramp during gridlock. #VisionTactical members with Law enforcement searched for the group, who escaped to nearby…
— Vision Tactical (@visiontactical) February 20, 2024
Die veiligheidsmaatskappy Vision Tactical het motoriste gewaarsku en gesê die rowers is onwettige myners wat stilstaande voertuie teiken.
“Vision Tactical werk nou saam met die owerhede om na die groep te soek wat verdwyn het in nabygeleë mynskagte.”
Die Johannesburgse metropolisie het bevestig hulle het reeds die getal patrollies in die omgewing opgestoot.
It is suspected that illegal miners operating in the area are behind these robberies.
Police visibility has been beefed-up.
Victims have been urged to open charges.#CrimeWatch https://t.co/tRjpyjebIQ
— Yusuf Abramjee (@Abramjee) February 20, 2024
Brig. Athlenda Mathe, nasionale polisiewoordvoerder, het ook bevestig dat daar teen Dinsdagmiddag nog geen aanklagte by die polisie aanhangig gemaak is oor die beweerde rooftogte nie.
Sy het slagoffers aangemoedig om die polisie te kontak indien hulle beroof is.
Mathe het motoriste ook gemaan om op hul hoede te wees in spitsverkeer.
Die polisie het intussen wel ʼn taakspan saamgestel om na die verdagtes soek, het Mathe bygevoeg.
Slagoffers word gevra om die Johannesburgse-polisiestasie te skakel by 082 332 5016 indien hulle ʼn klag aanhangig wil maak.
Welkom in Suid Afrika waar niks en niemand veilig is nie. Dankie anc
Die wetteloseheid gaan ons land nog baie duurder kos. Daar is maniere om dit hok te slaan, maar ek is bevrees geen huidige politieke party het die durf om te doen wat gedoen moet word nie, want sulke besluite word geneem of nie geneem nie, met die stembus in gedagte. Die stembus is gelykstaande aan die geldkoei.
Blaas die skagte toe. Einde van probleem .
Hugo!!!!!!!!!!!!!!!!!!!!!!!!!!!! Bel die Polisie!!!!!!!!!!!!!!!!!!!!!!!!!!!!!!!!
Ha-ha-ha!!!!!!!!!!!!!!!!!!!!!!!!! Wat ‘n grap – die Polisie antwoord nooit hul fone nie!!!!
Volgens die Crime Index is SA nommer 5 in die wêreld na Venezuela, Papua New Guinea, Afghanistan en Haiti, Regte slegte geselskap. Dis endemies en deel van die land se DNA.
Trump was reg, just another African country, waar niemand meer veilig is nie …
Mad Hatter se trots!
Bolandse nooi beskryf die sitsuasie die beste.
Lekker soek onbekwame kaders en ondersteuners.
Altyd om eerste te sê onwettige myners maar ons weet dit is onwettige buitelanders wat die misdade pleeg.
As jy ‘n saak oopmaak is hy in 2030 nog nie opgelos. Leer uit die diefstal en move on….. Hierdie is die ANC se Suid Afrika!