Polisiekolonel skuldig aan bedrog

Avril Wentzel het verskeie bedrieglike reiseise in 2014 by die Suid-Afrikaanse Polisiediens in Kimberley ingedien (Foto: Steve Buissinne/Pixabay)

’n Voormalige polisiekolonel van die Noord-Kaap het Dinsdag in die Kimberley-streekshof op 19 aanklagte van bedrog skuldig gepleit en is tot 12 maande tronkstraf gevonnis.

Avril Wentzel (57) het verskeie bedrieglike reiseise in 2014 by die Suid-Afrikaanse Polisiediens in Kimberley ingedien wat hom sowat R47 000 in die sak gebring het.

“Die misbruik van sy reistoelaag is in 2015 blootgelê wat tot ’n indiepte-ondersoek deur die Valke gelei het.

“Wentzel is ná afloop van die ondersoek in Oktober 2019 gedagvaar,” sê Nomthandazo Mnisi, woordvoerder van die Valke.

Benewens die vonnisoplegging moet Wentzel ook ’n boete van R30 000 betaal en het hy ’n bykomende opgeskorte vonnis van vyf jaar ontvang op voorwaarde dat hy nie binne dié tydperk weer aan bedrog skuldig bevind word nie.

Lt.genl. Godfrey Lebeya, nasionale hoof van die Valke, het Wentzel se vonnisoplegging verwelkom.

“Dit is ’n jammerte dat ’n senior polisiebeampte onder die versoeking geswig het om openbare geld te misbruik.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

21 Kommentare

jongste oudste gewildste
Nie Verbaas

“Dit is ’n jammerte dat ’n senior polisiebeampte onder die versoeking geswig het om openbare geld te misbruik.” Ja vir ons is dit meer jammer dat die ANC regering korrup is.

Francois

Fire die hele polisiediens want hulle is meestal almal ook korup. Hulle se dit vat altyd n misdadiger om n misdadiger te vang

piper

vir 47 000 rand kry hy 12 maande en 30 000 rand boete. die mense wat miljoene se bedrog gepleeg het loop vry rond.

JM

Die nuusopskrifte wemel oor bedrog, korrupsie, diefstal, leuens ens., dit hou net nie op nie. ‘n Erger pandemie as die virus!

Thelsa

Is dit ‘n posvereiste om korrupte te wees in die SAPS?